वीरगन्ज-पर्साको हरपुरमा स्थापीत फर्म र वीरगन्ज अलौंस्थित ह्याचरीमार्फत यतिखेर शिवम् ह्याचरी एण्ड फिड प्रालिले यतिखे हप्तामा करिब ५० हजार कुखुराको चल्ला उत्पादन गर्न थालेको छ। तराईमा कुखुरा उत्पादनमा आफ्नो किसिमको ठूलो मानिएको यो योजना एक बर्षभित्र पूर्ण आकारमा संचालनमा आएदेखी यसबाट हप्ताको डेढ लाख वटासम्म चल्ला उत्पादन गर्ने लक्ष्य लिएको संचालकहरुले बताए।
    ‘अहिले भई रहेको उत्पादन लक्ष्यको करिब ३५ प्रतिशत हो, हामीले एक बर्षभित्र यसलाई पूर्ण क्षमतामा संचालनमा ल्याउने तयारीमा छौं, त्यतिखेर हप्तामा डेढ लाखसम्म चल्ला कुखुरापाल्ने किसानहरुलाई हामीले उत्पादन गरेर दिन सक्ने छौं,’ यसका निर्देशक रिजवान अहमदले भने, ‘अन्तिम चरणको थोरै काममात्र अब बाकी छ, ८० प्रतिशतभन्दा बढी काम सकिसकेको छ ।’ उनका अनुसार अहिलेसम्म १८ करोड रुपैयाँ लागत भइसकेको योजनामा करिब १९ करोड लगानी पुग्ने अनुमान छ।
    नेपाल कै चिवतनपछि सबभन्दा बढी कुखुरा फर्म भएको दोस्रो जिल्ला पर्सा, र नजिकका बारा र रौतहटका किसानहरुलाई अहिले कुखुरा बेंच्दै आएको शिवम् ह्याचरीले देशै भरी माग अनुसार चल्ला आपुर्ती गर्ने लक्ष्य बनाएको छ। वीरगन्जका उद्यमीहरु शिवजी कलवार र शरीफ अहमद संचालक रहेको यो योजना नबिल बैंकले लगानी जुटाई दिएपछि साकार हुन सकेको रिजवानले बताए । हरपुर –९ माकरिब १५ बिगहा जग्गामा संचालिक कुखुरा फर्मका ५० हजार पोथी माउ कुखुरा राख्ने क्षमताको बनाईदै छ। संरचनाहरु करिब ९० प्रतिशत तयार भए पनि अहिले आधाभन्दा पनि कमलाई उत्पपादनमा प्रयोगमा ल्याईएको छ।
बाकीलाई पनि तुरुन्तै संचालनमा ल्याउने गरी काम द्रुतरुपमा बढीको गत साउनदेखी संचालनमा आएको फर्मका म्यानेजर दिपेन्द्र यादवले बताए । उत्पादन सुरु भएदेखी लागातार ६ महिना मधेश बन्दको मारमा परे पनि योजनाले अहिले गति लिन थालेको यहाँका कर्मचारी बताउँछन्।
अहिले थाइल्याण्ड, मलेशिशया, श्रीलंका लगायत ठाउँबबाट माउ कुखुरा आयात गर्ने गरेको रिजवानले जनाए। ‘५० हजार माउ कुखुरा राखिएपछि यहाँबाट दैनिक लगभग २५ देखी ३० हजार अण्डा निस्किने छ, यसलाई अलौंस्थित ह्याचरीमा पुर्याएपछि चल्ला निस्किने हो,’ उनले भने, ‘२१ दिनपछि अण्डाबाट चल्ला निस्किन्छ, करिब ८० प्रतिशत अण्डा सफल हुन्छ, यसरी हप्ताको डेढ लाखसम्म चल्ला निस्किने हो ।’ अहिले ३५ प्रतिशत करिब उत्पादन भइरहेको उनले बताए । हरपुरस्थित फर्मभित्रै कुखुराको दाना बनाउने आफ्नै उद्योग पनि छ । प्राविधिकहरुको सल्लाह अनुसार आवश्यक पर्ने किसिमको दाना दैनिक रुपमा फर्मले आफै उत्पादन गर्ने गरेको छ।
    फर्मभित्र र ह्याचरीमा गरी अहिले ६० जनाले रोजगारी गर्न पाएका छन् । पुर्ण आकारमा योजना संचालनमा आए यहाँ करिब सय जनाले रोजगारी पाउने उनको दावी छ। भारतबाट अबैध रुपमा भित्रिने चल्ला आफुहरुको लागि सबभन्दा बढी चुनौति रहेको उनको भनाई छ। आफुहरुले चल्लाको बिमा गरेर दिने गरेको र सरकारले स्वदेशी चल्ला मात्र पालन गर्न भन्ने गरेको कुरा किसानले बुझि दिए सजिलो हुने उनले बताए।

काठमाडौं । १३ जना नेपालीको ज्यान जाने गरी भएको काबुल घटनाबारे सरकारले क्यानडा सरकारसँग कुराकानी थालेको छ । नेपाली अधिकारीहरुले दिल्लीस्थित क्यानाडेली उच्चायुक्तसँग नेपालको चासो प्रस्तुत गरेका छन् भने क्यानाडाका लागि नेपाली राजदूतले छिट्टै त्यहाँको परराष्ट्र मन्त्रालयमा नेपालीहरु चासोहरु प्रस्तुत गर्ने बताइएको छ ।


गत सोमबार काबुलमा भएको तालिबानको आक्रमणमा १३ नेपाली सुरक्षागार्डको मृत्यु भएको थियो भने ६ जना घाइते भएका छन् । घटनामा मारिएका नेपालीहरु बेलायती सुरक्षा कम्पनीमार्फत अफगानिस्ता गएका हुन् । तर, उनीहरु क्यानाडेली दूताबासको सुरक्षामा खटिएका थिए र ड्युुटीमा जाने क्रममा आक्रमणमा परेका हुन् । मृतकहरुको शव नेपाल ल्याएर परिवारको जिम्मा लगाइएको छ भने पाँच जना घाइतेको भारतमा र एकको काबुलमै उपचार भइरहेको छ ।

परराष्ट्र मन्त्रालयका प्रवक्ता भरतराव पौडेलले बीबीसी नेपाली सेवासँगको कुराकानीमा काबुल घटनाबारे क्यानडा सरकारसँग कूटनीतिक माध्यमबाट कुराकानी भइरहेको बताए । नेपाल सरकारको चासो घटना कुन परिस्थितिमा भयो ? पीडित पक्षको क्षतिपूर्ति र नेपाली सुरक्षाकर्मीहरुको सुरक्षामा ध्यान पुग्यो कि पुगेन भन्ने रहेको उनले बताए ।

‘उद्धारको काम सकिएपछि काबुल घटना कुन अवस्थामा भएको हो, यसबारे क्यानडा सरकारको धारणा के छ भन्ने चासो छ, प्रवक्ता पौडेलले भने, ‘मतक र घाइते प्रति कस्तो दृष्टिकोण लिइरहेको छ भनेर बुझ्ने काम गरेका छौं ।’ काबुलमा मारिएका १३ जनाको परिवारलाई सरकारले १०/१० लाख रुपैयाँ क्षतिपूर्ति दिने निर्णय गरिसकेको छ । जुमएनपीबाट

काठमाडौँ: निजी क्षेत्रको हेलिकोप्टर सेवा प्रदायक कम्पनी सिम्रिक एयरले नयाँ हेलिकोप्टर ल्याएको छ ।

सिम्रिकले फ्रान्सेली जहाज निर्माता एयरबस हेलिकोप्टर्सले निर्माण गरेको ए एस ३५०-बी २ एसडी टु शनिबार नेपाल भित्र्याएको हो ।



नयाँ हेलिकोप्टर दक्षिण अमेरिकाको पानामाबाट एयर कार्गोमार्फत शनिबार काठमाडौँ ल्याइएको हो । ६ सिट क्षमता भएको हेलिकोप्टरमा हनी वेलको इन्जिन जडान गरिएको छ ।

यसले हिमाली क्षेत्रमा उद्दार, पर्यटकीय गतिविधि, उद्धार र धार्मिक पर्यटकीय गन्तव्यमा सेवा दिने सिम्रिक एयरका प्रबन्धक निर्देशक राजेन्द्रबहादुर सिंहले बताए ।

हेलिकोप्टरले नेपालको पर्यटन क्षेत्रमा सेवा पुर्याउनुका साथै आपतकालिन समयमा काम गर्न र तत्काल राहत तथा उद्दारमा पुग्न सक्ने उनले जानकारी दिए।

सिम्रिक एयरले यही जुलाई अन्तिममा बेल कम्पनीको ४०७ एक विमान ल्याउने बताएको छ ।

उच्च हिमाली क्षेत्रमा सहजै उद्दार गर्न सफल हेलिकोप्टर कम्पनी सिम्रिकका हेलिकोप्टरले २३ हजार फिटसम्म उडान गर्न सक्ने एयरका प्रमुख अधिकृत डिबी ओलीले बताए । 'नयाँ हेलिकोप्टरले पर्यटकीय सेवा र उद्दारका निम्ति सिम्रिकको सेवा थप प्रभावकारी हुने छ,' ओलीले भने ।

सिम्रिकले आफ्नो सेवा थप प्रभावकारी बनाउँदै नेपाललाई विश्वकै उत्कृष्ट रेस्क्यू, हिमाल तथा पहाडी भेगमा विकास निमाणको लागि सामान झुण्डाएर गर्ने (सिलिङ कार्गो)  तथा लङ लाइलिनङमार्फत उद्दार गदै आएको छ ।

सिम्रिकका हेलिकप्टरले उच्च हिमाली दृश्यावलोकन, राहत तथा उद्दार एवम् विकास निर्माण कार्यमा सेवा दिइरहेको छ ।

सिम्रिक एयर विगतमा पनि नयाँ अत्याधुनिक बीथ्रीई हेलिकप्टर भित्र्याउने पहिलो नेपाली विमान सेवा कम्पनी हो ।

सिम्रिकलाई एएस ३५० बीथ्रीई विमानबाट पाएको सेवाले नै सफल कम्पनी बनाउन सहयोग पुर्याएको छ । सिम्रिकका दक्ष पाइलट तथा प्राविधिकद्वारा अन्तर्राष्ट्रिय बजारमा ख्याति कमाउन सफल भएको सिम्रिक एयरले जनाएको छ ।

 College
२०५८ सालदेखि एमआई १७ हेलिकोप्टरबाट उडान सुरु गरेको विमान सेवा कम्पनीले १५ वर्षदेखि नै अनवरत सेवा दिइरहेको छ ।

सगरमाथा क्षेत्रमा भएको हिउँ पहिरो, अन्नपूर्ण तथा मनाङ क्षेत्रमा भएको हुदहुद (आँधी), गत वैशाखमा गएको विनाशकारी भूकम्पको समयमा पनि सिम्रिकले उद्दार तथा राहतमा उत्कृष्ट योगदान पुर्याएको दाबी गरेको छ ।
स्वदेशी तथा विदेशी पर्यटक ट्राभल एजेन्सी, विभिन्न सरकारी तथा गैरसरकारी एवम् व्यक्ति र व्यक्तिगत फर्मबाट पाएको हौसला, माया र सद्भावलाई प्रेरणाको स्रोतकारुपमा लिएको सिम्रिक एयरले जनाएको छ ।

काठमाडौँ, असार ११ गते । तपाईंलाई सुन्दा अचम्म लाग्ला, एकमुठा सागभन्दा कपडा सस्तो हुन्छ भनेर । तर सामाखुसी टाउनप्लानिङमा रहेको एक पसलमा सागभन्दा कपडा सस्तोमा पाइन्छ । अहिले बजारमा एकमुठा सागको रु २० पर्छ तर उक्त पसलमा एउटा सर्ट भने रु १० मा नै पाउन सकिन्छ ।
समाजमा केही गरौँ भन्ने भावनाका साथ केही वर्ष कोरिया बसेर फर्केका पर्यटन व्यवसायी चीजमान गुरुङको अवधारणाअनुरुप पुराना सामान पुनः प्रयोग एवम् प्रशोधन गरी उक्त मूल्यमा बेच्ने गरिएको हो । सुखावती प्रतिष्ठानमार्फत सामाखुसीको टाउनप्लानिङमा पुराना कपडालाई पुनः प्रयोग गर्ने उद्देश्यका साथ उक्त पसल सञ्चालनमा ल्याइएको छ । विभिन्न ११७ वटा सामान पुनः प्रयोग गरी रु १० देखि एक हजारसम्म बेच्ने गरेको छ । समाज कल्याण परिषद्मा दर्ता भई शिक्षा र महिला उद्यमशलिता निर्माणका लागि उक्त प्रतिष्ठानले काम गर्दै आएको छ । सुखावती फाउन्डेसनका उपाध्यक्षसमेत रहनुभएका गुरुङले धन कमाएर वा गाढी चढेर मात्र सुख नहुने भन्दै समाजमा केही गरौँ भन्ने उद्देश्यका साथ उक्त प्रतिष्ठान स्थापना गरि समाजसेवा गरेको बताउनुभयो । तपाईंको पुरानो सामान कसैको लागि नयाँ हुन सक्छ । माया बाँडौ खुसी बढाउँ भन्ने नाराका साथ सामाखुसी टाउनप्लानिङमा स्थापना भएको उक्त प्रतिष्ठानले भूकम्पमा निधन भएका परिवारको छोराछोरीलाई समेत शिक्षादीक्षा दिँदै आएको छ । प्रतिष्ठानले स्वदेशमा कसरी रोजगारी स्थापना गर्न सकिन्छ भन्ने उद्देश्यका साथ प्रयोग गर्न मिल्ने सामानलाई प्रयोग गरी दुखी जनताको सेवा गर्दै आएको छ । सो प्रतिष्ठानले मर्मत गर्न मिल्ने सामानलाई मर्मत गर्ने तथा मर्मत गर्न नमिल्ने सामानलाई प्रयोग नगर्ने गरेको छ । घर, कार्यालयमा जुनसुकै सामान प्रयोग गर्दा किफायती उपयोग गर्नुपर्छ । प्रशोधन, पुनः प्रयोग गर्न सकिन्छ भने पुनः प्रयोग गर्नुपर्छ भन्ने यो संस्थाको मूलमन्त्र हो । गत वर्षमात्र उक्त प्रतिष्ठानले एक वर्षमा एक हजार ५०० केजी कपडा ल्याएकोमा २५ प्रतिशत प्रयोगमा ल्यायो । विभिन्न मेला र ठाउँमा राखिएको बिक्री कक्षबाट रु एक लाख २० हजार आम्दानी भएको सुखावती फाउन्डेसनका कोषाध्यक्ष कमला गुरुङले बताउनुभयो । उहाँले सो पसलमा स्वयम्सेवकका रुपमा काम गर्नुभएको छ । उहाँजस्तै केशकुमारी राना, लक्ष्मीदेवी गुरुङ, रञ्जना तामाङ, कल्पना गुरुङ, संगु सुब्बाले पनि स्वयम्सेवकका रुपमा काम गर्नुभएको छ । “दश बीस रुपैयाँमा साग पनि पाइँदैन, कपडा कसरी पाइन्छ भनेर किनमेल गरेर जान्छन्,” कोषाध्यक्ष गुरुङले भन्नुभयो । यस्तो पसल उपत्यका बाहिर फैलाउने उद्देश्य रहेको प्रतिष्ठानका महासचिव राजेन्द्रबहादुर लामाले बताउनुभयो । “खाली खुट्टा तरकारी बेच्दै आएको व्यक्तिदेखि माग्दै आएको व्यक्तिसम्मले रु १० मा जुत्ता र रु १० को पाइन्ट लैजाने गरेका छन्,” लामाले भन्नुभयो । कपडा, भान्साका सामान, विद्युतीय सामग्री, गमला र प्रयोगमा आउन सक्ने जुनसुकै सामान त्यहाँ बेचिन्छ । उक्त पसलमा रु १० देखि ८० सम्मका सर्ट तथा रु ४० देखि १०० सम्मको जिन्सपाइन्ट बेच्न राखिएका छन् । प्रतिष्ठानमा १३ स्वयम्सेवक छन् । दुई जनाले रोजगारी पाएका छन् । प्रतिष्ठानले भूकम्प गएको समयमा रसुवा, नुवाकोट, सिन्धुपाल्चोक, दोलखा, काभ्रेका पाँच हजारभन्दा बढी घरपरिवारलाई ब्युटिफुल स्टोर कोरियाको सहयोगमा सिरक वितरण गरेको थियो । ह्याप्पी फ््याक्ट्री कोरियाको सहयोगमा नुवाकोटको गामबँेसी निम्न माध्यमिक विद्यालयको भवनसमेत निर्माण गरेको छ । रासस

असार १०, २०७३- सुनको भाउ तोलामै ३ हजार रुपैयाँले बढेको छ । युरोपेली युनियन(ईयु) बाट बेलायत छुटि्टने निर्णयसँगै त्यसको असर सुन बजारमा परेको हो । शुक्रबार भएको मुल्य वृद्धि ऐतिहासिक हो । यसअघि  एकैदिन १९ सय रुपैयासम्म वृद्धि भएको नेपाल सुनचाँदी व्यवसायी महासँघले जनाएको छ ।

'एकै दिनमा ३ हजारले वृद्धि ऐतिहासिक हो,' सघका पूर्ब अध्यक्ष तेजरत्न शाक्यले भने, 'शुक्रबार वृद्धि भएको मुल्यले नयाँ रेकर्ड राखेको छ ।'

महासंघका अनुसार शुक्रबार प्रतितोला छापावाला सुन ५९ हजार रुपैयाँमा कारोबार भएको छ । बिहीबार प्रतितोला ५६ हजार रुपैयाँमा कारोबार भएको थियो । अन्र्तराष्ट्रिय बजारमा पनि प्रति औस सुन ७३  अमेरिकी डलरले बढेको छ । शाक्यका अनुुसार ईयुबाट बाहिरिने निर्णय लगत्तै अन्र्तराष्ट्रिय बजारमा सेयर भाउ घटेको छ । पाउण्ड पनि कमजोर भएको छ ।

'सेयर मार्केटसँगै पाउण्ड कमजोर हुँदा लगानीकर्ताहरु पैसा सुरक्षित गर्न सुनतर्फ लगानी बढाएका छन,' पूर्व अध्यक्ष शाक्यले भने, 'जसले गर्दा सुनको भाउ बढेको हो ।' अन्तर्राष्ट्रिय बजारमा मुल्य अस्थितरता देखाएको छ ।  अमेरिकी बजार खुल्ला भइनसकेकाले थप अन्यौलता छाएको जानकारहरु बताउछन ।

'अन्र्तराष्ट्रिय बजारमा मुल्य घटबढ भइरहेको छ,' उनले भने, 'अमेरिकी बजार खुल्ला भएपछि भाउ घट्ने/बढ्ने थप निर्धारण गर्छ ।'

यस्तै, चाँदीको भाउ ३० रुपैयाँले  बढेको छ । महासँघका अनुसार बिहीबार प्रतितोला ७ सय ९० रुपैयाँमा कारोबार भएको चाँदी शुक्रबार  बढेर ८ सय २० रुपैयाँ खरिदबिक्री भएको छ ।

काठमाडौं असार २– सुनको भाउ बढेर डेढ महिना यताकै महँगो भएको छ । सुनको भाउ बिहीबार ४ सय रुपैयाँले बढेर तोलाको ५७ हजार रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ ।
गएको बैशाख १९ गते तोलाको ५७ हजार रुपैयाँ पुगेको सुनको भाउ ५४ हजार रुपैयाँसम्म झरेको थियो । अन्तराष्ट्रिय बजारमा सेयर बजार कमजोर भएको र तेलको भाउ बढेकाले नेपालमा पनि सुनको भाउ उकालो लागेको महासंघले जनाएको छ ।
यस्तै चाँदीको भाउ पनि उकालो लागेको छ । बुधबार ५ रुपैयाँले बढेको चाँदीको भाउ बिहीबार पनि तोलामा १० रुपैयाँले बढेर ८ सय ५ रुपैयाँमा किनबेच भैरहेको छ ।

काठमाडौं—सरकारले आगामी आर्थिक वर्षमा ७२ जिल्ला सदरमुकाममा तीव्र गतिको इन्टरनेट सुविधा पुर्‍याइने घोषणा गरेको छ। मध्यपहाडी राजमार्ग र हुलाकी राजमार्गमा अप्टिकल फाइबर सञ्चालन विस्तार गरी ७२ जिल्ला सदरमुकाममा तीव्र गतिको इन्टरनेट सुविधा पुर्‍याउने घोषण गरिएको हो।

आर्थिक वर्ष २०७३/७४ को बजेट घोषणा गर्दै अर्थमन्त्री विष्णु पौडेलले ग्रामीण दूरसञ्चार विकास कोष परिचालन गरी माइक्रोवेभ ट्रान्समिसनबाट सामुदायिक क्याम्पस, सामुदायिक उच्च माध्यमिक र माध्यमिक विद्यालय एवं प्राथमिक स्वान्थ्य केन्द्रहरूमा निःशुल्क इन्टरनेटको सुविधा पुर्‍याउने घोषणा मन्त्री पौडेलले गरे। त्यस्तै अर्थमन्त्री पौडलेले आगामी आर्थिक वर्षबाट फोरजी सेवा पनि सुरुवात गर्ने घोषणा गरेका छन्। 'काठमाडौं उपत्यका र उपमहानगरपालिका क्षेत्रमा फोरजी सेवा आरम्भ गरिनेछ,' अर्थमन्त्रीले भने ।

राष्ट्रिय सूचना आयोगबाट सूचनाको हकको कार्यान्वयन र आम सञ्चारमाध्यमबाट प्रकाशित सूचनाको हकसम्बन्धी विषयवस्तुको परिक्षण गरिने समेत घोषणा गरिएको छ । त्यस्तै पत्रकारहरूलाई सरकारी अस्पतालमा उपचार गराउँदा लाग्ने खर्चमा ५० प्रतिशत छुट दिने व्यवस्था मिलाउने बताए।

हुलाक सेवालाई पुनर्संरचना गरी स्थानीय निकाय मार्फत सञ्चालन गरिने घोषणा बजेटमा छ। सार्वजनिक सेवाका भुक्तानीहरू हुलाक मार्फत हुने र बचत बैकिङ सेवालाई एविविएस प्रणालीमा लैजाने कार्य अघि बढ्ने घोषणा गरिएको छ। मुद्रा, पासपोर्ट, अन्तशुल्क स्टिकर, परिचयपत्र, नागरिकता, प्रमाणपत्र, ऋणपत्र, चेकबुक, सर्टिफिकेट लगायत सामग्री स्वदेशमै मुद्रण गर्न सुरक्षण मुद्रण छापाखाना स्थापना गर्न नीतिगत, कानुनी र संस्थागत व्यवस्था मिलाउने अर्थमन्त्रीले बताए।

पारमाणिक पदार्थहरूको नियमन सम्बन्धी विधेयक र सूचना प्रविधि सम्बन्धी छाता ऐनको विधेयक आगामी आर्थिक वर्ष व्यवस्थापिका–संसद् समक्ष पेश गरिने भएको छ । न्यून लागत र कम विद्युत उपयोगबाट उच्च पहाडी क्षेत्रमा डाटा सर्भर स्थापना र सञ्चालन गर्ने सम्भावनाको अध्ययन गरिनेछ। डाटा सर्भर स्थापना गर्न प्रत्यक्ष वैदेशिक लगानीलाई प्रोत्साहित गरिने घोषणा भएको छ । राष्ट्रिय सूचना केन्द्रको क्षमता अभिवृद्धि गरिने घोषणा बजेट मार्फत गरिएको छ।

प्रतिभाशाली वैज्ञानिकहरूलाई स्वदेशमै अध्ययन अनुसन्धानमा सक्रिय रहन उत्प्रेरित गरिने सरकारी योजना छ। युवा बैज्ञानिकहरूलाई प्रोत्साहन गर्न अनुसन्धान वृतिको व्यवस्था, नयाँ आविस्कार गर्ने वैज्ञानिकहरूलाई पुरस्कृत र आगामी आर्थिक वर्षमा राष्ट्रिय वैज्ञानिक सम्मेलन गरिने घोषणा बजेट मार्फत गरिएको छ।

बुधबार एकै दिनमा सुनको भाउ ७ सय रुपैँया प्रतितोलाका दरले घटेको छ ।



बुधवार सुनप्रतितोला ५५ हजार १ सय रुपैयाँमाकारोवार भएको नेपाल सुनचाँदीव्यवसायीमहासंघले जनाएको छ ।

त्यसै गरी बुधवार तेजावी सुन प्रतितोला ५४ हजार ८ सय ५० रुपैँयाका दरले कारोबार भइरहेको छ ।

यसअघि मंगलबार छापावाला सुनको मूल्यप्रतितोला ५५ हजार ८ सय रुपैँयाथियो भने तेजावी सुनको मूल्य ५५ हजार ५ सय ५० रुपैँयाथियो ।

केहीदिनदेखि ५६ हजारमा स्थिर रहेको सुनको भाउमंगलबार २ सय रुपैँयाप्रतितोलाका दरले घटेको थियो ।

केहीदिनदेखि स्तिँदै गएको चाँदीको भाउभने बुधबार स्थिर रहेको छ । बुधबार ७ सय ६० रुपैँयाप्रतितोलाका दरले चाँदीको कारोबार भइरहेको नेपाल सुनचाँदीव्यवसायीमहासंघले जनाएको छ ।

कावासोती, चिनियाँ कम्पनीको लगानीमा देशकै ठूलो सिमेन्ट उद्योग नवलपरासीको बेणीमनिपुर गाविसको बेलुवामा स्थापना भएको छ । उद्योग सन्चालन हुने स्थान नवलपरासीको दुम्कीबासबाट १३ किमी उत्तर चुरेको फेदीमा पर्दछ ।



चिनियाँ सिमेन्ट उत्पादक होङ्सी कम्पनी र नेपालको शिवम् सिमेन्टको संयुक्त लगानीमा दैनिक ६ हजार टन सिमेन्ट उत्पादन गर्ने गरी होङ्सी शिवम् सिमेन्ट उद्योग स्थापना भएको हो । होङ्सी शिवम् सिमेन्ट उद्योगसम्बन्धी जानकारी दिन लगानी बोर्डले परासीमा आज आयोजना गरेको अन्तरक्रियामा उद्योगका बारेमा जानकारी गराइएको थियो ।

यस वर्ष जग्गा व्यवस्थापनको काम थालिएको छ । दुईसय बिघा जग्गा आवश्यक पर्ने भएकाले यो वर्ष जग्गा व्यवस्थापनको काममा खटिएका छौँ, होङ्सी शिवम् सिमेन्टका प्राविधिक शिवरत्न अटलले भन्नुभयो–“बाटो र विद्युत्का बारे सरकारसँग कुरा भइरहेको छ ।”

“उद्योगलाई दैनिक ५० देखि ८० मेगावाट विद्युत् आवश्यक पर्छ”, उहाँले भन्नुभयो, “हामीले जग्गाको व्यवस्थापनलाई स्थानीयवासीको समन्वयमा तीव्रता दिएका छौँ । एक सय बिघा प्राप्त भइसकेको छ, बाँकी खोज्दैछौँ ।”

तीन वर्षमा उत्पादन बजारमा ल्याउने गरी कामलाई उद्योगले अगाडि बढाएको छ । यो उद्योगमा होङ्सीको ७० प्रतिशत लगानी र शिवम् सिमेन्टको ३० प्रतिशत लगानी रहेको छ । दैनिक दुई हजारले रोजगार पाउने भएकाले उद्योग स्थापनासँगै स्थानीयवासी खुसी भएका छन् । नवलपरासी क्षेत्र नं ३ का सांसद कृष्ण पौडेलले उद्योग स्थापनाले समृद्धिको आधार खोल्ने बताउनु भएको छ । पाल्पाको ज्यामिरेबाट कच्चा पदार्थ (क्लिंकर) ल्याउने र यहाँ सिमेन्ट उत्पादन हुँदा अहिलेको बजारमा ३० प्रतिशत आपूर्ति गर्छ ।

स्वदेशमै उत्पादन भइरहेको सिमेन्टले अहिले ७० प्रतिशत बजार ओगटेको छ बाँकी ३० प्रतिशत यसको उत्पादनले आपूर्ति गर्छ, होङ्सी शिवम् सिमेन्टका प्राविधिक अटलले भन्नुभयो–“देशभित्रको बजारलाई पूर्ति गरेपछि बाहिर पनि पठाउन सकिन्छ ।” सुरुको वर्ष ६ हजार मेट्रिक टन उत्पादन भएपनि दोस्रो चरणबाट १२ हजार मेट्रिक टन दैनिक सिमेन्ट उत्पादन हुने उहाँले बताउनुभयो । ओपिसी र पिपिसी दुवै सिमेन्ट यहाँ उत्पादन हुन्छ ।

सिमेन्ट उद्योगले गाउँको अनुहार नै फेरिने भएको स्थानीयवासी घनश्याम गिरीले बताउनुभयो । नवलपरासी क्षेत्र नं २ का सांसद जीवन श्रेष्ठले ठूला परियोजनालाई सरकार र स्थानीयवासीको सहयोग हुने भएकाले ढुक्क भएर कामलाई अगाडि बढाउन आग्रह गर्नुभयो । क्षेत्र नं ४ का सांसद बैजनाथ चौधरीले समृद्धिको आधार उद्योग कलकारखाना भएकाले सरकारले लगानीको वातावरण बनाउने काम गरेको बताउनुभयो । यो सरकार लगानीको वातावरण बनाउँछ, उद्योगी काममा लाग्नुपर्छ सांसद चौधरीले भन्नुभयो ।

लगानी बोर्डका सहसचिव रवि भट्टराईले उद्योगको स्थापनाबाट हुने फाइदाका बारेमा बताउनुभएको थियो । “लगानी बोर्डको काम उद्योगपतिको समस्या समाधान गर्ने र लगानी भित्र्याउने हो त्यसमा प्रधानमन्त्रीको निर्देशन पनि छ, हामी काममै लागेका छौँ”, उहाँले भन्नुभयो –“जिल्लाका जनप्रतिनिधि र स्थानीयवासीको सकारात्मक भावनाले हामीलाई उत्साहित बनाएको छ ।” रासस

केही दिनदेखि स्थिर रहेको सुनको भाउ मंगलबार प्रतितोला २ सय रुपैयाँ घटेको छ । मूल्य घटेसँगै सुन मंगलवार ५५ हजार ८ सयमा कारोबार भएको नेपाल सुनचाँदी व्यवसायी महासंघले जनाएको छ ।
यसअघि सोमबार सुन ५६ हजार रुपैयाँमा कारोबार भएको थियो । मंगलवार तेजावी सुन प्रतितोला ५५ हजार ५ सय ५० रुपैयाँमा कारोवार भएको छ । चाँदीको मूल्य पनि केही दिनदेखि सस्तिदैँ गएको छ । सोमवार ७ सय ६५ रुपैयाँ कायम भएको चाँदी मंगलवार ५ रुपैयाँ घट्दै ७ सय ६० रुपैयाँमा झरेको छ । चाँदीको मूल्य गत सोमबार प्रतितोला ७ सय ९० रुपैयाँ पुगेको थियो ।

साताको दोस्रो दिनदेखि ओरालो लागेको सुनको साताभरमा ६ सय रुपैयाँले घटेको छ । साताको अन्तिम दिन शुक्रबार सुनको भाउ एक सय रुपैयाँले सस्तिएको छ ।



साताको अन्तिम दिन सुनको भाउ घटेको छ । विहीबार स्थिर रहेको सुनको भाउ शुक्रबार भने तोलाको एक सय रुपैयाँले सस्तिएको छ । साताको दोस्रो दिन सोमबार सुनको भाउ तोलाको तीन सय रुपैयाँले घटेको थियो । मंगलबार सुनको भाउ स्थिर रह्यो ।

बुधबार सुनको भाउ दुई सय रुपैयाँले सस्तियो भने विहीबार फेरि स्थिर रह्यो । महासंघका अनुसार आइतबार सुन तोलामा ५७ हजार रुपैयाँमा किनबेच भएको थियो । सोमबार सुनको भाउ तोलाको ५६ हजार सात सय रुपैयाँ पुगेको थियो भने बुधबार ५६ हजार पाँच सय रुपैयाँ पुगेको थियो ।

नेपाल सुनचाँदी व्यवसायी महासंघका अनुसार शुक्रबार सुन तोलामा ५६ हजार चार सय रुपैयाँमा किनबेच भइरहेको छ । विहीबार सुनको भाउ तोलाको ५६ हजार पाँच सय रुपैयाँ कायम भएको थियो ।

साता भरमा चाँदीको भाउ दस रुपैयाँले घटेको छ । महासंघका अनुसार शुक्रबार चाँदी तोलामा सात सय ९० रुपैयाँमा कारोबार भइरहेको छ ।

विनाशकारी भूकम्पका कारण भएको भौतिक क्षतिको पुर्ननिर्माण कार्य अघि बढिरहँदा निर्माण सामाग्रीको बजार मूल्य केही बढेको छ। भूकम्पका कारण उपत्यका लगायत ३२ जिल्लामा क्षति भएका ६ लाख भन्दा बढी भौतिक संरचना पुर्ननिर्माण गर्नु पर्दछ।

भूकम्पबाट अति प्रभावित १३ जिल्लामा अहिले सरकारले उपलब्ध गराएको अनुदान रकम र आफ्नै खर्चमा निर्माण कार्य तिव्रताको साथ सुरु भएको छ। सरकारले पनि अति प्रभावित जिल्लामा भूकम्प प्रतिरोधक भवन तथा घर निर्माणका लागि २५ सय भन्दा बढी प्राविधिक इन्जिनियर खटाइसकेको छ।

 सरकारले भूकम्पले भत्काएको संरचना निर्माणको लागि सर्वसाधरण जनातालाई भूकम्प प्रतिरोधक घर टहरा निर्माणका लागि किस्ताबन्दीमा रकम समेत उपलव्ध गराउन थालेको छ।
कतिपय भूकम्पपीडितले सरकारले पैसा नदिए पनि पुरानै शैलीमा घर बनाइ सकेका छन्।

सरकारले भने भूकम्प प्रतिरोधक घर नबनाउने र तयारी १७ घरको मोडेल अनुसार नबनाए अनुदान रकम नपाउने भनेपछि पुनः अर्को घर समेत निर्माण गर्ने सोच बनाइरहेका छन्।
पुनर्निर्माण चलिरहँदा भूकम्पको समयमा उपभोक्ताले खरिद गर्दे आएका कतिपय  निमार्ण सामग्रीको मूल्यमा केही घटबढ भएको छ।

डण्डीको मूल्य

डण्डीमा अहिले  प्रतिकिलो १० रुपैयाँसम्म र सिमेन्टमा प्रतिबोरा ३० देखि ५०  रुपैयाँसम्म बढेको नेपाल निर्माण सामग्री व्यवसायी महासंघका अध्यक्ष युवक राज भण्डारीले बताए।

भण्डारीका अनुसार भूकम्पको समयमा उपभोक्ताले प्रतिकिलो ७० रुपैयाँमा खरिद गरेको जगदम्बा डण्डीको मूल्यमा १० रुपैयाँ बढेको छ। अहिले बजारमा जगदम्बा डण्डीको खुद्रा मूल्य प्रतिकिलो सरदर ८० रुपैयाँदेखि ८२ रुपैयाँ रहेको छ।

भूकम्प र नाकाबन्दीका कारणले बजारमा डण्डीको मागमा कमी आएको र अहिले विश्वबजारमा समेत डण्डी  बनाउन आवश्यक कच्चा सामानको मूल्य बढेसँगै सोही अनुरुप नेपालमा पनि वृद्धि भएको उनले बताए।

त्यस्तै हिमाल डण्डीका उपभोक्ताले अहिले प्रतिकिलो सरदर ८५ रुपैयाँमा खरिद गरिरहेको भण्डारीले बताए। यो मूल्य भूकम्पको समयमा भन्दा सरदर ५ देखि ६ रुपैयाँले बढी हो। भूकम्पको समयमा हिमाल डण्डीको खुद्रा मूल्य प्रतिकिलो ८० रुपैयाँ  थियो।

भूकम्पको समयमा प्रतिकिलो ७० रुपैयाँसम्म उपभोक्ताले खरिद गर्ने अम्बे डण्डीको मूल्यमा पनि एक वर्षको समयमा प्रतिकिलो १० रुपैयाँ देखि १२ रुपैयाँसम्म बढेको भण्डारीले बताए।
भूकम्पको समयमा बजारमा अम्बे डण्डीको खुद्रा मूल्य प्रतिकिलो ७० रुपैयाँ रहेकोमा अहिले ८० देखि ८२ रुपैयाँसम्म पर्ने गरेको छ।

साथै पञ्चकन्या डण्डीको मूल्यमा भूकम्पको समयमा भन्दा अहिले प्रतिकिलो ६ देखि ८ रुपैयाँसम्म बढेको छ। भूकम्प गएलगत्तै बजारमा पञ्चकन्या डण्डीको खुद्रा मूल्य प्रतिकिलो ७४ देखि ७५ रुपैयाँ रहेको थियो। अहिले सो मूल्य बढेर प्रतिकिलो८० देखि ८२ रुपैयाँ भएको भण्डारीले सेतोपाटीसँग बताए।

यी लगायत नेपालमै उत्पादन हुने डण्डीको खुद्रा मूल्यमा प्रतिकिलो ५ रुपैयाँ देखि १२ रुपैयाँसम्म बढेको उनले बताए। अहिले नेपालमा दर्जन भन्दा बढी उद्योगले डण्डीको उत्पादन गरिरहेका छन्।

जस्तापातको मूल्य

भूकम्प गए लगत्तै अस्थाई टहरा निर्माणको लागि सबैभन्दा बढी व्यापार भएको निर्माण सामग्री मध्येको जस्ता पाता एक हो। अहिले पुर्ननिर्माण सुरु भएसँगै गाउँघरमा विक्री हुने निर्माण सामग्री जस्तापाता नै हो ।

शहर बजारमा  निर्माण हुने ढलान घरमा पनि केही मात्रामा जस्ता पाताको प्रयोग हुन्छ। भूकम्प गए लगत्तै जस्ता पाता उत्पादन गर्ने उद्योगी तथा व्यवसायीहरुले भूकम्पपीडितका लागि भन्दै २ प्रतिशतसम्म मूल्य घटाएर जस्ता पाता बिक्री गरेका थिए। त्यसपछि नाकाबन्दीको समयमा बजारमा माग नभएपछि पुनः साबिककै मूल्यमा बिक्री वितरण भएको छ।

जस्तापाताको मूल्यमा अहिले कुनै परिर्वनत नआएको भण्डारीले बताए। सामान्यत बजारमा हुलास २४ गेज ८० किलो तौल भएको  एक बन्डल सादा जस्तापातको मूल्य ८ हजार ८ सय ९० र रंगीनको  १० हजार ५ सय ८० रुपैयाँ रहेको छ।

त्यस्तै २६ गेज ६५ किलो एक बन्डल सादाको ७ हजार ४ सय १० र रंगीनको ९ हजार ७० रुपैयाँ रहेको छ। साथै ५५ किलो हुने एक बन्डलको सादा जस्तापाता ६ हजार ४ सय ५० रुपैयाँ कम्पनी मूल्य रहे पनि उपभोक्ताले केही प्रतिशत छुटमा खरिद गर्न पाउने भण्डारीले बताए।

त्यस्तै आरती २४ गेज ६४ किलो एक बन्डल सादाको मूल्य ७ हजार ३ सय, २६ गेज ३६ किलोसम्मको एक बन्डल सादाको  ४ हजार ३ सय रुपैयाँ र २८ गेज २५ किलो एक बन्डलको ३ हजार ३ सय रुपैयाँसम्म रहेको उनले बताए।

बिएसटी २४ गेज ५८ किलो एक बन्डल सादाको ७ हजार र रंगीनको ९ हजार रुपैयाँमा बिक्री भइरहेको छ। साथै बिएसटी २६ गेज ३७ किलोसम्मको सादा ६ हजार र रंगीन  ८ हजार ५ सय रुपैयाँ रहेको छ भने २८ गेज २५ किलो एक बन्डल जस्तापाताको मूल्य ३ हजार ५ सय रुपैयाँ कम्पनी मूल्य रहेको भण्डारीले बताए।

राजेश २४ गेज ५८ किलो एक बन्डल साला जस्तापाताको ७ हजार र रंगीनको  ८ हजार ५ सय रुपैयाँ कम्पनी मूल्य रहेको छ। राजेश २६ गेज ३७ किलो एक बन्डल सादा जस्तापाताको ६ हजार र रंगीनको ८ हजार ५ सय रुपैयाँ रहेको छ भने २८ गेज २५ किलो एक बन्डलको ३ हजार ५ सय रुपैयाँ रहेको भण्डारीले बताए।

सिमेन्टको मूल्य

नेपालमा अहिले करिब ४० भन्दा बढी सिमेन्ट उत्पादन उद्योगहरु रहेका छन्। भूकम्पको समयमा मूल्य नबढाएका सिमेन्ट उद्योगहरले भारतीय नाकाबन्दीको समयमा ढुवानी खर्च  र तेल अभाव भएको भन्दै ५० केजीको प्रतिबोरा ५० रुपैयाँसम्म मूल्य वृद्धि गरेका सिमेन्ट उद्योगले अहिले तेल सहज भएसँगै १५ देखि २० रुपैयाँ घटाएका छन्।

भूकम्पको समयमा ५० किलो पिपिसी  सिमेन्टको मूल्य ७ सय रुपैयाँ देखि ७ सय ५० रुपैयाँसम्म रहे पनि नाकाबन्दीको समयमा ७ सय ५० रुपैयाँदेखि ८ सय रुपैयाँ पुगेको उनले बताए। अहिले पुनः पिपिसी सिमेन्टको मूल्य ७ सय ३० देखि ७ सय ८० रुपैयाँसम्म रहेको छ।  यो मूल्य भूकम्पको समयको भन्दा ३० रुपैयाँले बढी हो।

त्यस्तै भूकम्प गएको समयमा ओपिसी ५० किलो बोराको ८ सय ५० देखि ९ सय रुपैयाँँ रहे पनि नाकाबन्दीको समयमा भने १ हजार रुपैयाँसम्म पुगेको थियो। अहिले भने पुनः केही मूल्य घटेर ९ सय देखि ९ सय ५० रुपैयाँमा झरेको भण्डारीले बताए। अहिले घटेको यो मूल्य  भूकम्प गएलगतैको मूल्य भन्दा ५० रुपैयाँसम्मले बढी हो।

इँटा, बालुवा र रोडाको मूल्य

२०७२ वैशाख १२ गतेको भूकम्प जाँदासम्म उपत्यकामा इँटाको मूल्य प्रतिवटाको आकार तथा गुणस्तर हेरेर १० रुपैयाँदेखि २० रुपैयाँ रहेको थियो। भूकम्प गएपछि  पीडितलाई केही मात्रामा सहयोग तथा राहत भन्दै आफूहरुले प्रतिवटा १० प्रतिशत सम्म छुट दिएर इँटा व्यापार गरेको नेपाल इँटा व्यवसायी महासंघका अध्यक्ष महेन्द्र चित्रकारले बताए।

त्यस पछि ५ महिनासम्मको लामो नाकाबन्दीमा कुनै व्यापार नभए पनि अहिले विश्वबजारमा कोइलाको मूल्य घटेकै कारण इँटाको मूल्य साविककै मूल्यमा बिक्री भइरहेको उनले बताए।

पहिले राहतको लागि १० प्रतशित छुट दिँदै इँटा व्यापार गरेको र अहिले भने छुट नभए पनि १० प्रतिशत मूल्य घटाएर नै आकार र गुणस्तर हेरेर प्रतिवटा १० रुपैयाँ देखि २० रुपैयाँमा बिक्री गरिरहेको चित्रकारले बताए।

तर पहिले नाकाबन्दीले इँटा उत्पादनमा समस्या आएको र उत्पादन बढ्दै गएको अवस्थामा अहिले पुनः पानी अभाव हुन थालेको उनले बताए। जे जस्तो अभाव रहे पनि पुर्ननिर्माणको लागि आवश्यक इँटामा भने अभाव नआउने उनले बताए।

त्यस्तै बालुवा तथा रोडाको मूल्यमा पनि कुनै परिवर्तन आएको छैन। अहिले बजारमा बालुवा र रोडा ८ मिटर एक ट्रकको मूल्य त्यसको गुणस्तर हेरेर २० हजार देखि ३० हजार रुपैयाँसम्म रहेको छ। यो मूल्य भूकम्प गएलगत्तै निर्धारण भएकै मूल्य हो। अहिले नेपालमा ८ सयको हाराहारीमा क्रसर तथा खानी उद्योगहरु रहेका छन्।

यो साता सुन प्रतितोला १५ सय रुपैयाँले महँगिएको छ। नेपाल सुनचाँदी व्यवसायी महासंघका अनुसार साताको अन्तिम दिन शुक्रबार मात्रै प्रतितोला १२ सय रुपैयाँले सुन महँगिएको हो। यो मूल्य बढेसँगै सुनको भाउ ५६ हजार ५ सय रुपैयाँमा कायम भएको छ।

गत साताको शुक्रबार प्रतितोला ५५ हजार रुपैयाँ रहेको सुन आइतबार ५४ हजार ८ सय, सोमबार ५४ हजार ९ सय, मंगलबार ५५ हजार १ सय, बुधबार ५५ हजार २ सय, बिहिबार ५५ हजार ३ सय हुँदै शुक्रबार ५६ हजार ५ सय रुपैयाँमा कारोबार भयो।


चाँदी पनि यो साता प्रतितोला २५ रुपैयाँले बढेको छ। गत शुक्रबार प्रतितोला ७ सय ७५ रुपैयाँ रहेकोमा हिजो शुक्रबार प्रतितोला ८ सय रुपैयाँमा चाँदीको कारोबार भयो।

अमेरिकी केन्द्रीय बैंकले ब्याजदर बढाउने अपेक्षा गरेका लगानीकर्ताहरु, सोअनुरुप नभएपछि सुनमा आकर्षित भएका हुन्। यसले गर्दा सुन महँगिन पुगेको हो। सुनको मूल्य अझै केही महँगिन सक्ने अनुमान गरिएको छ।

नारायणी नदी तिरमा सेल्फी खिच्ने क्रममा दुई जना नदिमा खसेका छन् । नारायणी नदि तिरमा सेल्फी खिच्ने क्रममा गैडाकोटका दुई किशोरी खसेका हुन । तिमध्ये एकजनाको जिवितै गरिएको छ भने अर्की एक जना बेपत्ता छन् । गैडाकोट १६ की १९ बर्षीय नम्रता सापकोटा र १८ बर्षीय स्मिता ज्ञवाली नदिमा खसेका थिए ।

नम्रता सापकोटालाई प्रहरीले उद्धार गरेको छ भने स्मिताको खोजी कार्य जारी छ ।ईलाका प्रहरी कार्यालय नारायणगढका प्रहरी निरीक्षक सत्यनारायण थापाका अनुसार दुबै जना अरुणा कलेजका विद्यार्थी हुन् ।नारायणी नदीको किनारामा ढुंगामाथि गएर मोबाइल फोनबाट सेल्फी खिच्न लाग्दा दुवै युवती चिप्लेर नदीमा खसेको प्रहरीले जनाएको छ । नेपाल प्रहरी, सशस्त्र प्रहरी र स्थानीय बासीन्दाले वेपत्ता युवतीको खोजी गरिरहेका छन् ।

६ फागुन, काठमाडौं । राजधानीको पर्यटकीय केन्द्र ठमेलमा सुविधा सम्पन्न होटल सञ्चालनमा आएको छ । ठमेलको चाक्सीवारी मार्गमा ५० करोड लगानीमा ‘होटल आर्टस् काठमाडौं’ सञ्चालनमा आएको हो ।
लामो समयदेखि कार्गो र गार्मेन्ट व्यवसायमा संलग्न गोरखाका चिरञ्जीवी भट्टले होटल खोलेका हुन् । होटलमा स्टान्डर्ड, डिलक्स र स्वीट गरी ६० वटा रुमहरु रहेका छन् । होटलको आठ तले भवनबाट काठमाडौं उपत्यकाको पुरै भू-भाग देख्न सकिन्छ ।
होटलको पहिलो तलामा स्पा एन्ड साउना, ब्यूटिपार्लर, बैंक, सपिङ आर्केड, एटीएम काउन्टर, कफी शप लगायत रहेका छन् । दोस्रो तलामा रिसेप्सन र द आर्टस् क्याफे एन्ड बार रहेको छ । क्याफेमा एकैपटक ६० जनालाई सेवा दिन सकिने होटलका महाप्रबन्धक सिंहले जानकारी दिए ।
Art's Hotel _717
भवनको ३ देखि ७ तलासम्म बेड रुमहरु रहेका छन् । आठौं तलामा पार्टी हल रहेको छ । त्यहाँ डेढ सय जनासम्मको ककटेल पार्टी गर्न सकिने महाप्रबन्धक प्रविन्द्र सिंहले जानकारी दिए । यहाँबाट काठमाडौं उपत्यकाको सुन्दर दृश्यावलोकन गर्न पाइन्छ ।
‘होटलका रुमहरु वातानुकुलित रहेका छन्, रुममा चिसो-तातो पानी र फ्रि वाइफाइ सुविधा समेत उपलब्ध छ’ महाप्रबन्धक सिंहले भने- ‘हामीसँग स्टान्डर्ड, डिलक्स र स्वीट गरी तीन प्रकारका रुमहरु रहेका छन् ।’ होटलमा पार्किङको समेत राम्रो व्यवस्था रहेको छ ।
होटलमा कर बाहेक स्टान्डर्ड रुमको ७० अमेरिकी डलर, डिलक्स रुमको ८० डलर र पि्रमियम रुमको १०० डलर तोकिएको छ । इन्डियन, चाइनिज, मध्यपूर्वी, युरोप र अमेरिकी पर्यटकलाई लक्षित गरेको होटलका अध्यक्ष चिरञ्जिीवी भट्टले बताए ।
होटलको भवन अध्यक्ष भट्टको आफ्नै हो । ‘ठमेलमा जग्गा २०६० सालमा नै किनेको थिएँ, त्यहीँ भवन बनाएर होटल सुरु गरेँ’ भट्टले भने- ‘विगत २४ वर्षदेखि पर्यटन क्षेत्रमा कार्यरत छु, पर्यटनमा सम्भवना देखेर होटल सञ्चालन गर्ने निर्णय गरेको हुँ ।’
Art's Hotel _888eहोटलमा ग्राहकको चाहना अनुरुप विभिन्न स्वादका खानाहरु खुवाइन्छ । नेपाली मौलिक स्वादको खाना पनि होटलमा पाइने बताइएको छ । होटलमा ओपन किचन रहेको छ । बाहिरबाटै खाना पकाएको देख्न सकिन्छ । तारे होटलमा काम गरेका सेफहरुले खाना पकाउने अध्यक्ष भट्टले बताए ।
होटलको अर्को आकर्षक पक्ष हो, आकर्षक पेन्टिङ । होटलको लाउञ्ज, बेडरुम, भर्‍याङ लगायतका ठाउँहरुमा आकर्षक पेन्टिङ राखिएको छ । सञ्चालक भट्ट आफै ‘फाइन आर्ट’को विद्यार्थी भएको हुँदा उनैले कोरेका पेन्टिहरु होटलमा राखिएको हो । यसको अलवा अन्य कलाकारका पेन्टिङहरु पनि किनेर राखेको उनले सुनाए ।
होटलमा ग्यालरी समेत राखिएको छ । जहाँ विभिन्न कलाकारका पेन्टिङहरु बिक्रीमा राखिएको भट्टले बताए । पेन्टिङ बिक्रीबाट भएको आम्दानीको ५ प्रतिशत रकम गरिव कलाकारको पढाईमा लगाउने उनको भनाई छ ।
Art's Hotel _803
‘होटलमा आउने पर्यटक मार्फत नेपाली कला र संस्कृतिको अन्तर्राष्ट्रिय रुपमा प्रवर्द्धन गर्ने हाम्रो योजना हो’ अध्यक्ष भट्टले भने- ‘यो प्रयासले नेपाली कलारकारको प्रमोट समेत हुने मलाई विश्वास छ ।’ उनले होटलको नामसमेत कलासँग जोडेर राखेका छन् ।
होटलमा आफै मार्केटिङ गरेर पर्यटक भित्राउने व्यवस्थापनको योजना छ । यसका लागि अनलाइन तथा सामाजिक सञ्जाल र विदेशमा भएका मेलामार्फत मार्केटिङ गर्ने महाप्रबन्धक सिंहले बताए । ‘हामी नेपाल पर्यटकीय गन्तव्य हो भनेर प्रवर्द्धनमा जुट्छौं’ उनले भने- ‘बुद्धको जन्मस्थल लुम्विनी, पशुपति, सगरमाथा लगायतका गन्तव्य देखाएर विदेशी पर्यटक भित्राउँछौं ।’
होटलमा ३० जना कर्मचारी कार्यरत छन् । सबै कर्मचारीलाई मल्टी स्किल तालिम प्रदान गरेको भट्टले बताए । बढी कर्मचारी होटल व्यवस्थापनमा स्नातक गरेका युवाहरु रहेको उनको भनाई छ ।

नेपाली मुद्रा हालसम्मकै कमजोर बनेको छ। अमेरिकी डलरको मूल्य अहिलेसम्मकै उच्च बिन्दुमा पुग्दा नेपाली मुद्रा कमजोर बनेको हो। नेपाल राष्ट्र बैंकका अनुसार डलरको बिक्रीदर मूल्य १ सय ९ रुपैयाँ ७७ पैसा कायम भएको छ।

यसअघि गत सोमवार बिक्रीदर मूल्य १ सय ९ रुपैयाँ ४८ पैसा कायम भएकोमा सो रेकर्डलाई तोड्दै डलर १ सय १० रुपैयाँनजिक पुगेको हो। त्यस्तै खरिदर मूल्य १ सय ९ रुपैयाँ १७ पैसा कायम भएको छ। विश्व सेयर बजार खस्किँदै जाँदा लगानीकर्ता डलरमा केन्द्रित भएका छन्, यसले डलर थप मजबुत बनेको विश्लेषण गरिएको छ।

डलर महँगो हुँदा भारु कमजोर बन्न पुग्ने र भारुसित स्थिर बिनिमयदर रहेको नेपाली मुद्रा स्वतः कमजोर हुन पुग्दछ। यसरी नेपाली मुद्रा कमजोर बन्दा आयातित सम्पूर्ण सामानको मूल्य महँगो पर्न जान्छ। निर्यातभन्दा आयातको आकार अत्याधिक ठूलो भएका कारण नेपाली अर्थतन्त्रलाई डलर महँगिदा नकारात्मक असर पर्ने गर्दछ।

विगत केहि दिन देखि ओरालो लागेको स्थानीय बजारमा सुनको मुल्य पुन आरोलो लागेको छ । सोमबार देखि सामान्य गिरावट भएकोे सुन मंगलबार पुनः प्रतितोला ८ सय रुपैयाँले घटेको हो ।


सोमबार १ सय रुपैया कम हुँदै ५५ हजार ४ सय रुपैयामा कारोवार भएको सुन मङ्गलबार ५४ हजार ६ सय रुपैयामा कारोवार भएको नेपाल सुनचाँदी व्यवसायी महासंघले जनाएको छ । विश्व बजारमा डलरको मुल्यमा देखिएको उतार चढावले सुनमा सामान्य घटबढ भएकोे महासंघको दावी छ । यता चाँदीको मूल्य पनि १० रुपैयाले घटेको छ । सोमबार चाँदी तोलको ७ सय ४० रुपैयामा कारोवार भएका थियो । १० रुपैयाले घटेर चाँदी ७ सय ३० रुपैयाँमा कारोवार भएको महासंघले जनाएको छ ।

दुईसय वाटमा ऋणसहित २० हजार अनुदान प्रस्ताव
२ फागुन, काठमाडौं । लोडसेडिङबाट सहरवासीहरु दिक्क छन् । यसैलाई ध्यानमा राखेर सरकारले बिजुली पुगेका क्षेत्रमा २.२५ प्रतिशत सहुलियत ब्याजदरमा बिनाधितो सोलार जडानका लागि ऋण दिँदैछ ।
तर, यो सरकारी सुविधा लिएर सोलार बत्ती बाल्न उपभोक्ताले चासो देखाएका छैनन् । सरकारले उनीहरुलाई आकर्षित गर्न थप अनुदान दिने तयारी गरेको छ ।
पाँच वर्षसम्म चुक्ता गर्नुपर्ने ऋणको झण्डै ७ दशमलव ७५ प्रतिशत ब्याज वैकल्पिक उर्जा प्रवर्द्धन केन्द्र आफैंले बैंकलाई तिर्छ ।
यस्तो योजना अन्तरगत वैकल्पिक उर्जा प्रर्वद्धन केन्द्रले राष्ट्रिय प्रशारण लाइन विस्तार भएका क्षेत्रमा यो वर्ष ४ हजार सोलार सेट यस्तै ऋण सहयोगमार्फत जडान गर्ने लक्ष्य लिएको थियो ।
अहिलेसम्म यस्तो सुविधा लिएर जडान गर्नेको संख्या मुस्किलले ६ सय पुगेको छ । सरकारी सुविधा नलिई सिधै सोलार जडान गर्नेको संख्या धेरै भएको सोलार कम्पनीको भनाइ छ ।
बैंकहरुले कुल ९ प्रतिशत ब्याजदरमा लगानी गर्ने ऋणको ७५ प्रतिशत ब्याज सरकारले नै तिर्ने व्यवस्था गरेपपनि अधिकांशको ध्यान यसतर्फ खिचिएको छैन । विभिन्न क्षमताका सोलार जडानका लागि सरकारले छुट्टा छुट्टै सुविधा दिने गरेको छ ।
अपेक्षाअनुसार यस्तो सोलारमा सरकारी सुविधा लिने धेरै उपभोक्ता नभेटिएको केन्द्रका कार्यकारी निर्देशक रामप्रसाद धितालले अनलाइनखबरसँग बताए ।
‘यो वर्ष झण्डै ४ हजार जडान गर्ने लक्ष्यसहित कार्यक्रम लागू गरेका हौं । तर, यसमा ठूलो आकर्षण देखिएको छैन’ धितालले भने-‘नवीकरणीय उर्जा प्रर्दशनी र लोडसेडिङ बढ्ने क्रम जारी रहेपछि अहिले धेरै उपभोक्ता सोलार जोड्न तयार भएका छन् ।’
अनुदान हेरफेरको तयारी
अहिले झण्डै थप ५ सय घरमा सोलार जडानका लागि ऋण दिने प्रक्रिया अघि बढेको छ । एक सय वाट र त्यसभन्दा बढी क्षमताका सोलार जोड्न २ दशमलव ५ प्रतिशत मै ऋण पाइन्छ । सँगै जडान खर्च पनि सरकारले नै बेहोर्छ ।
तर, शहरी क्षेत्रका उपभोक्ता सरकारी सुविधा लिन खासै लालायित नदेखिए पछि केन्द्रले अनुदान सम्बन्धी व्यवस्थमा हेरफेर गर्ने तयारी गरेको छ ।
अब केन्द्रले २ सय त्यसभन्दा माथिका सोलार जडानमा ऋणसहित २० हजार रुपैयाँ अनुदान दिन प्रस्ताव गरेको छ । यसअघि ५ सयवाट र त्यसभन्दा माथिका सोलार जडानका लागि मात्रै १६ हजार रुपैयाँ जडान खर्च दिने गरिएको थियो ।
‘लाइन पुगेका ठाउँमा लोडसेडिङको ठूलो मार छ । त्यसैले सोलारको जडान बढाउन अनुदान नीति परिमार्जन गर्न लागिएको हो’ केन्द्र प्रमुख धितालले भने-‘सकेसम्म धेरै उपभोक्ताले सोलारबाट लाभ लिन सकुन भन्ने उद्देश्य छ ।’
सहरी क्षेत्रमा सोलारका लागि अहिले ४ वटा बैंकले ऋण दिइरहेका छन् । उपभोक्ताले सिभिल, एनएमबी, नेपाल इन्भेष्टमेन्ट र हिमालय बैंकमा सम्पर्क राख्न सक्छन् । बैंकहरुले घरमा जोडिने सोलार नै धितो राखेर यस्तो कर्जा दिन्छन् ।
solar
बैंकहरुले व्यापारिक प्रयोजनको सोलारका लागि वाषिर्क ४ प्रतिशत ब्याजदरमा पनि कर्जा दिन सुरु गरेका छन् । व्यवसायिक प्रयोजनमा सरकारले ५० प्रतिशतसम्म ब्याज अनुदान दिन्छ ।
तर, पाँच वर्षसम्म ब्याज तिरेर बस्नुभन्दा एकैपटक लागेको खर्च सबै आफैंले व्यहोरेर सोलार जोड्नेको संख्या धेरै देखिएको छ । यस्तो सुविधा नलिई सोलार कतिले जोडे भन्ने तथ्याङ्क सरकारसँग छैन ।
गत पुसमा काठमाडौंमा भएको नवीकरणीय उर्जा प्रदर्शनीमा आएका धेरैले सोलारमा खासै आकर्षक सुविधा नदिएको प्रतिक्रिया दिएका थिए ।

मोबाईल सेवा प्रदायक कम्पनी एनसेलले आफ्ना ग्राहकका लागि ‘नाइट भ्वाइस प्याक’ योजना ल्याएको छ । यस अन्तरगत एनसेलका प्रिपेड ग्राहकले एनसेलको कुनै पनि नम्बरमा अब कर बाहेक मात्र १२ पैसा प्रतिमिनेटमा रात्री कल गर्न सक्छन् ।

नाइट भ्वाइस प्याक योजना यही सोमबार (माघ १८) बाट लागू हुनेछ । योजनामा ग्राहकले ६० मिनेट अन–नेट टक टाइम रहेको रात्रीकालिन भ्वाईस प्याक कर बाहेक ७ रुपैयाँमा खरिद गर्न सक्छन् । अर्थात्, रातको समयमा प्रतिमिनेट कर बाहेक करिब १२ पैसामा एनसेलको कुनै पनि नम्बरमा कुरा गर्न सक्ने कम्पनीले जनाएको छ।

नाइट भ्वाइस प्याक २४ घण्टासम्म मान्य छ र प्याक अन्तरगतको टक टाइम एनसेल नेटवर्क भित्र राति १० बजेदेखि बिहान ६ बजेसम्म प्रयोग गर्न सकिनेछ ।

एनसेलका सम्पूर्ण ग्राहकले यस योजनामा सहभागी भई प्याक अन्तर्गतको सुविधाको लिन सक्छन् । ग्राहकले १७१०६ मा डायल गरी प्राप्त जानकारी अनुसार नाइट भ्वाइस प्याक खरिद गर्न सक्छन् । त्यसैगरी अंग्रजीको ए (A) टाइप गरी १७१०६ मा एसएमएस पठाएर पनि प्याक लिन सकिन्छ ।

ग्राहकले पनि एस्ट्रिक्स ९०१ ह्यास डायल गरी आफ्नो बाँकी टक टाइमको जानकारी लिन सक्छन् । नाइट भ्वाइस प्याकको समयावधि वा टक टाइम सकिएपछि विद्यमान रात्री शुल्क लागू हुनेछ ।

“दैनिक र साप्ताहिक भ्वाईस प्याक पछि यो रात्रिकालिन भ्वाइस प्याक ल्याउन पाउँदा हामी हर्षित भएका छौँ। यसले हाम्रा प्रिपेड ग्राहकलाई रातको समयमा अति सुलभ दरमा आफ्ना प्रियजनसँग सम्पर्कमा रहन सहज बनाएको छ,” एनसेलका कर्पोरेट संवाद विज्ञ मिलन शर्माले भने । एनसेलले सुलभ दरमा गुणस्तरीय सेवा उपलब्ध गराउने  प्रतिबद्धता बमोजिम यो योजना ल्याएको उनले जानकारी दिए ।

एनसेलले प्रिपेड ग्राहकका लागि केही समय अघि दैनिक र साप्ताहिक भ्वाईस प्याक ल्याएको थियो, जस अन्तर्गत ग्राहकले आफ्नो आवश्यकता अनुसार भ्वाईस प्याक लिई कर सहित क्रमशः  १ रुपैयाँ प्रतिमिनेट र ८६ पैसा प्रति मिनेटमा कुरा गर्न सक्छन् ।

ग्राहकले भ्वाइस प्याक र नाइट भ्वाइस प्याक दुवै खरिद गर्दा, रात्रीकालिन कलमा पहिला नाइट भ्वाइस प्याक प्रयोग हुनेछ । ग्राहकले आफ्नो आवश्यकता अनुसार जति पटक पनि यो नाइट भ्वाइस प्याक लिन सक्छन् । एक भन्दा बढी पटक प्याक किन्दा टक टाइम पनि सोहि अनुसार बढ्दै जाने र समयाबधि पनि पछिल्लो पटक प्याक किन्दाको समयानुसार बढ्ने कम्पनीले जानकारी दिएको छ । 

क्यान मेलामा विशेष छुट
भृकुटीमण्डपमा यही माघ १५ देखि आयोजना भइरहेको क्यान इन्फोटेक २०१६ मा विभिन्न इन्टरनेट सेवा प्रदायक कम्पनीले विशेष छुट दिएका छन्।
क्यान अवधिभर आफ्नो सेवा लिएवापत ग्राहकका लागि आकर्षक छुट ल्याइएको कम्पनीले जनाएका छन्। मेलामा सुबिसु, भायानेट, वेबसर्फर, आइटेल, वल्र्डलिंक, क्लासिक टेक आदि कम्पनीले आफ्नो सेवामा विशेष अफर प्याकेज ल्याएका छन्।
सुबिसुः

स्पीड	१ महिना (रुपैयाँमा)	६ महिना	१ वर्ष
७६८ केबीपीएस	१,९००	१०,८००	२०,४००
१ एमबीपीएस	२,५००	१४,४००	२७,६००
२ एमबीपीएस	४,५००	२६,४००	५१,६००

स्पीड	डाटा	फलब्याक	शुल्क (रुपैयाँमा)	अवधि
१० एमबीपीएस	७० जीबी	५१२ केबीपीएस	१,७००	१ महिना
	२१० जीबी		५,१००	३ महिना
	४२० जीबी		९,६००	६ महिना
	८५० जीबी		१८,०००	१ वर्ष
२५ एमबीपीएस	१८० जीबी	२ एमबीपीएस	२,८००	१ महिना
	५४० जीबी		८,४००	३ महिना
	११२० जीबी		१६,२००	६ महिना
	२२४० जीबी		३१,२००	१ वर्ष
५५ एमबीपीएस	५०० जीबी	५ एमबीपीएस	८,०००	१ महिना
	१५०० जीबी		२४,०००	३ महिना
	३००० जीबी		४७,४००	६ महिना
	६०४० जीबी		९३,६००	१ वर्ष

इन्टरनेट स्पीड प्रयोगकर्ताले आफ्नो इच्छाअनुसार छनोट गर्न सक्ने र मेला अवधिभर एक वर्षको प्याकेजमा ६ हजार रुपैयाँ बराबरको जडान खर्च नलाग्ने वेबसर्फरका सेल्स विभागका संचित खड्काले जानकारी दिए।

आइटेलः
–१ एमबीपीएस अनलिमिटेड केबल इन्टरनेट प्रतिमहिना १,२५० रुपैयाँ ।
–१ एमबीपीएस अनलिमिटेड फाइबर इन्टरनेट प्रतिमहिना १,३५० रुपैयाँ ।
–३ एमबीपीएस अनलिमिटेड इन्टरनेट प्रतिमहिना अफर मूल्य २,४५० रुपैयाँ (पहिले १०,८००) ।
–५ एमबीपीएस अनलिमिटेड इन्टरनेट प्रतिमहिना अफर मूल्य ३,९६० रुपैयाँ (पहिले १६,५००) ।
यो मूल्य कर तथा इन्स्टलेसन शुल्क बाहेक र मेला अवधिका लागि लागू गरिएको आइटेलकी सेल्स एण्ड मार्केटिङकी माधुरी कार्लले जानकारी दिइन्।