कोरियामा नेपालीको तलबै पुग्यो १ लाख, अतिरिक्त काम गरेको समेत जोड्दा डेढ लाख नाघ्यो

भिडियो हेर्न यहाँ क्लिक गर्नुहोस

सोल – ईपिएसमार्फत रोजगारीका लागि दक्षिण कोरिया आउने नेपालीको न्यूनतम पारिश्रमिक १ लाख नाघेको छ । श्रम तथा रोजगार मन्त्रालयले जनवरी १ बाट लागू हुनेगरी जुनमै न्यूनतम ज्याला ७.१ प्रतिशतले बढाएको हो । श्रम मन्त्रालय,श्रमिक संगठन र उद्योग सञ्चालक सम्मिलित न्यूनतम ज्याला निर्धारण समितिले हरेक वर्ष पारिश्रमिक बढाउने गर्छ ।
पछिल्लो वृद्दिले नेपालीहरु उत्साहित भएका छन् । न्यूतनम ज्याला वृद्दिसँगै अतिरिक्त समयगरी अधिकांश नेपालीले मासिक १ लाख ५० हजारभन्दा बढी आर्जन गर्नेछन् । कतिपयले भने न्यूनतम तलब पनि नपाएको बताएका छन् । नयाँ पारिश्रमिकअनुसार सातामा ४० घन्टा काम गर्नेले न्यूनतम मासिक ११ लाख ६६ हजार २२० वन (१ लाख ५ हजार ७४१ रुपैयाँ) पाउनेछन् । त्यस्तै ४४ घन्टा काम गर्नेले १२ लाख ६१ हजार ८० वन (१ लाख १४ हजार ३२० रुपैयाँ) पाउनेछन् । आजको कारोबार दैनिकका लागि निकुञ्ज तिवारीले सोलबाट खबर लेखेका छन् । -

Labels: प्रवास, वेबसाइटबाट