माघे संक्रान्तिका दिन तारुकामा २४ हल गोरु जुधाइने
भिडियो हेर्न यहाँ क्लिक गर्नुहोस
##
नुवाकोट : नुवाकोटको तारुकामा यो वर्षको माघे संक्रान्तिमा २४ हल गोरु जुधाइने भएको छ । हजारौं दर्शकले हेर्ने परम्परागत गोरु मेलामा जुधाउनका लागि १६ हल गोरु तयारी अवस्थामा राखिएको मेला आयोजकले जनाएका छन् ।मेलामा यो वर्ष पहिलो पटक दुईजना गोरु धनीले आफ्नो गारुरवीच बाजी थापेका छन् । मदन श्रेष्ठ र विष्णुमान श्रेष्ठ दुबैले आफ्नो गोरुले जितेको अवस्थामा हार्ने गोरु लैजाने बाजी थापेका छन् ।
मेलामा गोरु जुधाउन प्रतिगोरु ५ सय रुपैयाँ दर्ता शुल्क तोकिएको छ। जित्नेलाई एक हजार पाँचसय र हार्ने तथा सहभागी गोरु धनीलाई एकहजार रुपैयाँसहित प्रमाणपत्र दिइने तारुका माघे संक्रान्ति मेला व्यवस्थापन समितिले जनाएको छ ।सदरमुकाम विदुरदेखि २२ किलोमिटर दुरीको तारुकामा गोरु जुधाई मेला प्रत्येक वर्षको माघे संक्रान्तिमा लाग्ने गरेको छ । तारुका गोरु जुधाई मेलाको उद्घाटन तारुका गाविस–५ चन्दनीको बारीको ठूलो पाटोमा युवा तथा खेलकुद मन्त्री पुरुषोत्तम पौडेलले उद्घाटन गर्ने भएका छन् ।
तारुका माघे संक्रान्ति मेला व्यवस्थापन समितिका अध्यक्ष ज्ञानवहादुर बख्रेलले बुधबार विदुरमा पत्रकार सम्मेलन गरेर यो वर्षको गोरु जुधाईको तयारी पूरा भएको जानकारी दिए । ‘तारुकाको पौरख नेपालको गौरव’ मूलनाराका साथ गोरु जुधाउने मेला यस वर्ष महोत्सवको रुपमा मनाइने भएको छ ।
स्पेनमा हुने ‘बुल फाइटिङ’ मा विश्वको चासो हुने गरे पनि नेपालको यो प्रतियोगिताप्रति सरकार र अन्य सरोकारवालाको ध्यान नपुगेका बेला पहिलो पटक युवा तथा खेलकुद मन्त्रीले मेलाको उद्घाटन गर्ने मेला व्यवस्थापन सल्लाहकार रामहरि न्यौपानेले बताए ।
गत वर्षको गोरु जुधार्इ मेला हेर्दै दर्शकहरु
तारुकामा १३ वर्षदेखि गोरु जुधाइँदै आएको छ । हरेक वर्ष माघे संक्रान्तिका दिन जुधाइँदै आएको गोरु जुधाई मेला यो वर्ष दलहरुको समन्वयमा चन्दनीमा हुन लागेको हो । जुधाइने गोरुको मुल्यांकन गरेर बिमासमेत गरिएकोे समितिका सल्लाहकार समरबहादुर आले मगरले जानकारी दिए ।
तारुकाको चन्दीको गोरु जुधाई मेला मामली आएका वझाङी राजा जयपृथ्वीवहादुर सिंहलाई मनोरञ्जन दिलाउने उद्देश्यले सुरु भएको बुढापाकाहरुको भनाइ छ । यो मेला राष्ट्रिय रुपमा चर्चित भइसकेकाले यसलाई राष्ट्रिय मेलाको रुपमा विकसित गरिनुपर्ने स्थानीय वृद्ध झमवहादुर प्रधानको भनाइ छ ।
###
0 comments
Write Down Your Responses