सोना सिमेन्ट प्रयोग गरेर घर बनाउनेहरु तनाबमा

भिडियो हेर्न यहाँ क्लिक गर्नुहोस

दाङ–दाङको तुलसीपुरमा रहेको सोना सिमेन्ट उद्योगले गुणस्तरहीन सिमेन्ट उत्पादन गरेको पाइएपछि घरहरु निर्माण नसकिँदै बीचमै भत्काउनु परेको समाचार रातोपाटीले तीन साताअघि सार्वजनिक गरेकोमा सो क्रम अझैं जारी रहेको पाइएको छ ।

नवनिर्मित घरलाई बलियो बनाउन ६ फीट गहिराइदेखि जग उठाउन सुरु गरेका घर धनीहरुले सिमेन्टका कारण घरका ढलान फोडेर भत्काउन सुरु गरेका हुन् ।
यसो त एक पटक निर्माण गरेको घर फोडेर पुनः निर्माण गर्दा थर्केर घरको संरचना कम्जोर हुने भन्दै घरनिर्माण कर्ताहरु चिन्तित समेत बनेका छन् । यस्तै मध्यका एक हुन्, तुलसीपुर ६ सरस्वती बोर्डीङ स्कुल नजिकै ५ कोठे घर निर्माण गर्न लागेका गोविन्द बस्नेत । उनले तुलसीपुरमा रहेको प्रतिमा हार्डवयरबाट २ सय २५ बोरा ओपिसी सिमेन्ट लगेर घर निर्माण कार्य सुरु गरे ।sona (1)
घर निर्माणका लागि उनले अहिले ६ फिट गहिराई देखि जग उठाउन सुरु गरेका छन् । तर बिम , पिलर निर्माण गरेको लामो समय सम्म पनि सेट (जाम) नभए पछि उनले अहिले भत्काउन सुरु गरेको ४÷५ दिन भयो । छिटो छिटो घर निर्माण गरेर बसौला भन्ने आषामा बसेका बस्नेतको आषा अहिले निराशामा परिणत भएको छ । सिमेन्ट जाम नहुदा सुरुमा चिन्तामा परेको बस्नेत परिवारले संचार माध्यमबाट सोना सिमेन्टको गुणस्तरहीन भएको थाहा पाएपछि अहिले घर नै भत्काउन थालेका हुन् ।
उनले कम्पनीले आफूहरुलाई घर भत्काउन श्रमिक खर्च, बालुवा, गिट्टी,ढुङ्गा, पानी सबै खर्च दिने भएको भनेपनि फेरि सोना सिमेन्टनै प्रयोग गर्नु पर्छ भनेकोले आफुहरु मान्न तयार नभएको उनले बताए ।

१३ लाख क्षतिपुर्तिको माग दाबी गरेका बस्नेतले सो रकम आफूले कुनै पनि हालतमा पाउनुपर्ने अडान लिएका छन् । यदि लागेको खर्च उद्योगले नदिएमा मुद्दा हाल्ने बस्नेतले बताए । तर, क्षतिपूर्ति पाएपछि पनि सोना सिमेन्ट भने प्रयोग नगर्ने उनले प्रष्ट पारे ।
यता तुलसीपुर ९ दोघरेमा पनि ओपिसी सिमेन्ट प्रयोग गरेको ५ कोठे घरको ढलान भत्काउन सुरु गरिएको छ । सोना सिमेन्ट प्रयोग गरि निर्माण गरेका घर भत्काएर पुनः निर्माण गर्नु पर्ने बाध्यता हुन थाले पछि यसको कारोबारमा गिरावट आउन थालेको विक्रेताहरुले बताएका छन् ।
यो पनि पढ्नुहोस्
सोना सिमेन्ट गुणस्तरहिन, घरहरु धमाधम भत्काउन थालियो

Labels: वेबसाइटबाट, समाचार