ओली सरकारले ल्याएको बजेटको प्रचण्डले यसरी गरे प्रशंसा, आलोचकलाई जवाफ

भिडियो हेर्न यहाँ क्लिक गर्नुहोस

काठमाडौँ, १५ जेठ । व्यवस्थापिका–संसद्मा आज प्रस्तुत भएको आगामी आर्थिक वर्षको बजेटका सम्बन्धमा विभिन्न पार्टीका नेता, पूर्वअर्थमन्त्री र व्यवयायीले मिश्रित प्रतिक्रिया दिनुभएको छ ।
सन्तुलित र जनमुखीः प्रचण्ड
संसद्को बैठकपछि नेकपा माओवादी केन्द्रका अध्यक्ष पुष्पकमल दाहाल प्रचण्डले बजेट सन्तुलित र जनमुखी बनाउने प्रयत्न गरिएको स्पष्ट देखिएको बताउनुभयो ।
“यसले संविधान कार्यान्वयन र पुनःनिर्माण, शान्ति प्रक्रियाका विषयलाई सम्बोधन गर्न धेरै बल गरेको छ । त्यति हुँदाहुँदै पनि बजेटको समग्र अध्ययन गरेर प्रतिक्रिया दिनुपर्ने कैयौँ विषय छन्”– अध्यक्ष दाहालले भन्नुभयो, “बजेटमा मूलभूतरुपमा हाम्रो सहमति र समर्थन रहेको छ, यद्यपि प्रतिक्रिया गर्न लायक धेरै विषय पनि छन् ।”
उहाँले बजेट कार्यान्वयनमा सबैले सहयोग गर्नुपर्ने भन्दै आलोचना गरेर समय खेर नफाल्न आग्रह गर्नुभयो ।
निजी क्षेत्रको प्रतिक्रिया
नेपाल उद्योग वाणिज्य महासङ्घका अध्यक्ष पशुपति मुरारकाले निजी क्षेत्रलाई सहकार्यमा लिन सकेमा बजेटको प्राथमिकतामा रहेको रोजगार प्रवद्र्धनमा सहयोग पुग्ने बताउनुभयो ।
नेपाल उद्योग परिसङ्घका अध्यक्ष हरिभक्त शर्माले बजेट कार्यान्वयनमा विगतको अभ्यासलाई सुधार्न र साधारण खर्चमा धेरै रकम जाने देखिएकाले यसले औद्योगिक क्षेत्रको प्रोत्साहन र लगानी अभिवृद्धिमा यसले ध्यान दिनुपर्छ भन्नुभयो ।
साना तथा घरेलु उद्योग महासङ्घका वरिष्ठ उपाध्यक्ष वासुदेव गिरीले बजेट कृषिलाई आधुनिकीकरण गर्न सकारात्मक रहे पनि उत्पादनमूलक क्षेत्रलाई समेट्न नसकेको जनाउनुभयो । रासस

Labels: वेबसाइटबाट, समाचार