बी एण्ड बी, मनमोहनलगायत ३० कलेजलाई नर्सिङ तथा एचएमा भर्ना गर्न रोक (सूचीसहित)

भिडियो हेर्न यहाँ क्लिक गर्नुहोस

काठमाडौं–  मापदण्ड पूरा नभएको भन्दै सीटीइभीटीले देशभरका विभिन्न ३० कलेजलाई नर्सिङ तथा सामान्य चिकित्सा (एचए)मा विद्यार्थी भर्ना रोक लगाएको छ । अस्पताल नविकरण नहुने तथा मापदण्ड नपुर्याउनेमा उपत्यकाका ठूला भनिएका बी एण्ड बी, हेम्स र मनमोहन अस्पताल लगायत पनि रहेका छन् । यी सहित  ३० वटा निजी अस्पतालको भर्नाका लाग मापदण्ड पुगेको छैन ।
सीटीइभीटीले गत मंगलबार भर्नाको आवेदन फाराम भर्ने सूचना जारी गरेको छ तर यो सूचनामा ३० वटा नर्सिङ कलेजको नाम छैन ।  उनीहरुको मापदण्ड नपुगेका कारण आवेदनका लागि निकालिएको उक्त सूचीमा यी कलेज नअटाएका हुन् ।
रोकिनेमा धेरैको चाहिँ अस्पताल नविकरण नभएका रहेको बताइएको छ । अस्पताल नवीरकण नभएकालाई नर्सिङ र सामान्य चिकित्सा (एचए) अध्यापन गराउने कलेजलाई कार्यक्रम सञ्चालन गर्न रोकिएको हो । देशभरका एक सय १० संस्थाले नर्सिङ कार्यक्रम सञ्चालन गर्न अनुमति दिइएको छ । अस्पताल नविकरण नभएसम्म कार्यक्रम सञ्चालन गर्न नदिने सीटीइभीटीका सदस्य सचिव रामहरी लामिछानेले बताए ।
अख्तियार दुरुपयोग अनुसन्धान आयोगको सुझावमा सीटीइभीटीले यसबर्षदेखि यस्तो प्रावधान राखेको हो ।
सीटीइभीटीबाट कार्यक्रम सञ्चालनका लागि सम्बन्धन लिएको दुई वर्षपछि हरेक वर्ष संस्था नकिवरण गर्नुपर्ने हुन्छ । संस्था नविकरणका लागि सम्झौता गरेको वा आफ्नै अस्पताल स्वास्थ्य मन्त्रालय वा सम्बन्धित निकायमा नविकरण हुनुपर्नेछ ।  आगामी शैक्षिक सत्रका लागि कार्यक्रम नविकरण गर्न डिप्लोमा तहको तीन लाख र प्रति कार्यक्रम थप दश हजार बुझाउनु पर्ने हुन्छ । नविकरण गर्दा ०७१–७२ सम्मको कर चुक्ता गरेको प्रमाण पत्र, प्रयोगात्मक अभ्यासको लागि प्रयोग गरिएको अस्पतालको स्वीकृति र सम्झौता पत्र पेश गर्नुपर्ने हुन्छ । त्यस्तै अस्पताल नवीकरण र कर तिरेको प्रमाण पनि पेश नगरेपछि विद्यार्थी भर्नामा रोक लगाएको हो । ‘अस्पताल नविकरण नभएसम्म कार्यक्रम सञ्चालन गर्न दिँदैनौ,’ लामिछानेले भने ।

Labels: वेबसाइटबाट, समाचार