काठमाडौंको बिजुली बजारमा प्रहरीद्वारा गुण्डामाथी गोली प्रहार,एक गम्भीर घाइते

भिडियो हेर्न यहाँ क्लिक गर्नुहोस

काठमाडौं, ९ असार । काठमाडौंको बिजुली बजारमा प्रहरीले गुण्डामाथी गोली प्रहार गरेको छ । प्रहरीको गोली लागेर एक जना घाइते भएका छन् । नेपाल प्रहरीको अपराध महाशाखाको टोलीले जसवन्त राई भन्ने पूर्ण गुरुङमाथी दुई राउण्ड गोली चलाएको हो ।

उनलाई पछ्याउँदै महानगरीय प्रहरी अपराध महाशाखाको टोलीले आत्मसमर्पण गर्न चेतावनी दिएको थियो । राईले बिजुली बजार नजिकै प्रहरीलाई फलामको रडले हानेपछि प्रहरीले गोली चलाएको एसएसपी सर्वेन्द्रनाथ खनालले बताए ।  गुण्डका नाइके समीरमान बस्नेतको सहयोगी राईको पिँडुलामा गोली लागेको हो ।


हाल राईको वीर अस्पतालमा उपचार भईरहेको महाशाखाले जनाएको छ । प्रहरीले राईलाई नियन्त्रणमा लिने क्रममा प्रहरीमाथी रड प्रहार गरेको प्रहरीले जनाएको छ । प्रहरीले उक्त रड समेत बरामद गरेको छ ।

Labels: वेबसाइटबाट, समाचार