चुरोट तान्नेको औंला काटियो, अन्यलाई ढुङ्गाले हानेर मारियोः यूएन

भिडियो हेर्न यहाँ क्लिक गर्नुहोस

काठमाडौं, कार्तिक २९ ।  सिरिया र इराकको विभिन्न भाग कब्जा गरेको इस्लामिक अतिवादी समुह आईएसले विभिन्न अमानवीय कर्तुत गरेको तथ्य सार्वजनिक भएको छ ।
संयुक्त राष्ट्रसंघले सार्वजनिक गरेको रिपोर्टमा आईएसले चुरोट खाएको आरोपमा पक्राउ परेका व्यक्तिको औला काट्ने गरेको छ । यस्तै अनुचित कपडा लगाएको भन्दै महिलाहरुलाई कोर्रा हान्ने र ढुंगाले हानेर आईएस लडाकुले मार्ने गरेका छन् ।
राष्ट्रसंघको मानवअधिकार जांचकर्ताले यस्तो रिपोर्ट प्रत्यक्षदर्शी र आईएसले सार्वजनिक गरेको भिडियो र फोटोको आधारमा तयार गरेको जनाइएको छ । रिपोर्टमा एक ठूलो संगठित र वर्गीकृत समुह आईएसले दीर्घकालीन उद्धेश्य प्राप्तिका लागि जुनसुकै अमानवीय कार्य गर्न पछि नपर्ने उल्लेख गरिएको छ ।

Labels: world