काश्मिरमा दाहोरो गोली हानाहानमा ५ मारिए

भिडियो हेर्न यहाँ क्लिक गर्नुहोस

श्रीनगर: भारत प्रशासित काश्मिरको कुप्वारा जिल्लामा आतङ्ककारीको एक समूह र भारतीय सैनिकबीच भएको दोहोरो गोली हानाहानमा पाँच आतङ्ककारीको मृत्यु भएको छ ।

उक्त जानकारी स्थानीय अधिकारीहरुले बुधबार दिएका छन् । यस घटनाको क्रममा  भारतीय सैनिकतर्फ पनि दुई जना घाइते भएका सैनिक स्रोतले जानकारी दिएको छ ।

 काश्मिरको कुप्वारामा मङगलबार स्थानीय निकाय निर्वाचनमा मतदान भइरहेको अवस्थामा सशस्त्र आतङ्ककारी समूहले आक्रमण गरेको बताइएको छ ।

  आतङ्ककारीहरु नोउगाम क्षेत्रको नियन्त्रण रेखा पारगरी आएका बताइएको छ । भारत प्रशासित काश्मिरमा हालैका दिनमा हत्याको शृङ्खला बढिरहेको छ ।

केही दिनमात्र अघि सो क्षेत्रमा एकजना स्थानीय नेताको हत्या भएको थियो । सो हत्यामा पनि त्यहाँ सशस्त्र विद्रोह गरिरहेको समूहले गरेको बताइएको छ ।

Labels: world, वेबसाइटबाट