विश्वको आधा जनसंख्याले लगाउने जिन्सको अनौठो कथा

भिडियो हेर्न यहाँ क्लिक गर्नुहोस

जिन्स अव जीवनको अभिन्न पाटो बनिसकेको छ । जिन्स कपडा प्रयोग नगर्ने नयाँ पुस्तामा सायदै कोही होलान् । नेपाल भारत वा अमेरिका जहाँ बसेपनि मानिसहरुको सबै भन्दा मन पर्ने पहिरनमा पर्छ जिन्स । अमेरिकी राष्ट्रपति देखि विश्वकै धनाड्य ब्यक्ति विल गेट्सलाई पनि जिन्सका पहिरन मन पर्छन् । चीनमा सबै भन्दा विक्ने पनि जिन्स जापानमा सबैलाई मन पर्ने पनि जिन्स नै । बलिउड देखि हलिउडका स्टारले लगाउने पनि जिन्स सडकमा भारी बोक्नेले लगाउने पनि जिन्स ।


जिन्सको पहिलो प्रयोग
जिन्सको पहिलो प्रयोग सन् १८६४ मा भएको विश्वास गरिन्छ । अमेरिका वा इटालीमा जिन्सको प्रयोग पहिलो पटक भएको विश्वास गरिन्छ तर कहाँ हो भन्ने स्पष्ट प्रमाण छैन । तर एउटा कुरा भने निश्चित के हो भने यो जिन्सको पहिलो प्रयोग काम गर्ने कामदारहरुले गरेका थिए । जटिल काम गर्ने श्रमिकहरुलाई लक्षित गरेर बनाइएको थियो जिन्स । युरोप र अमेरिकामा मानिसहरु अहिले जिन्स सबै भन्दा बढी प्रयोग गर्छन् । सुपर मोडेल देखि राष्ट्रपति र घरमा काम गर्ने महिला सम्मले जिन्सलाई सबै भन्दा मन पराउँछन् । जिन्स अधिकाँशका लागि शोखको विषय नै हो ।

मानिसहरुलाई सोध्ने हो भने जिन्स लगाउनुको विषयमा फरक फरक जवाफ आउन सक्छन् । कसलाई जिन्स लगाउन सजिलो लाग्छ भने कसलाई टिक्ने भएका कारण जिन्स मन पर्छ । कतिलाई यसले स्टाइलिस देखाउने मान्छन् भने कतिपयलाई जिन्स लगाउँदा सहज महसुस हुन्छ । जवाफ फरक र अनौठा आउँछन् ।

′ब्लू जिन्स′ नामको पुस्तक नै प्रकाशित गरेका मानवशास्त्री डेनी मिलर भन्छन्- “जिन्सको लोकप्रियता किन यति सारो भयो भन्ने विषयमा खास अध्यन नै भएको छैन।”

मिलरले फिलिपिन्स, टर्की, भारत र ब्राजिल जस्ता देशको यात्रा गरेर हरेक देशका कम्तिमा आधा जनसंख्याले जिन्स लगाउने तथ्य पत्ता लगाएका थिए । उनका अनुसार दक्षिण एशिया र चीनका केही ग्रामिण इलाका बाहेक सबै ठाउँमा जिन्स सबै भन्दा लोकप्रिय कपडा हो ।

मिलरले आफ्नो पुस्तकमा लेखेका छन् कि फिटिङ र सहजताका कारण जिन्स दुनियाँमा सबै भन्दा लोकप्रिय कपडा बनेको हो । विश्वव्यापीकरण बढ्दै जाँदा पश्चिमी देशबाट कम विकशित देशमा जिन्स प्रशारित गरेका थिए मल्टी नेशनल कम्पनीहरुले । यद्यपी नेपाल जस्ता देशमा पाइने जिन्सको गुणस्तर पश्चिमी देशमा पाइने स्तरकै भने छैन ।

छिमेकी भारतमा पहिलो पटक सन् १९९५ मा जिन्स आएको थियो । अरबिन्द मिल्स नामक कम्पनीले जिन्स भारत भित्र्याएको थियो । त्यसपछि भारतमा विभिन्न ब्राण्डका जिन्सहरु भित्रिएका थिए । भारतसँगै नेपालमा पनि त्यसबेला नै जिन्स भित्रिएको विश्वास गरिन्छ ।

कहाँ बनेको थियो पहिलो जिन्स ?
कतिपय इतिहासकारहरुले पहिलो पटक जिन्सको प्रयोग अमेरिकामा भएको मान्छन् । लेबीस्ट्रास नामक कम्पनीले जिन्स पहिलो पटक बनाएको मानिन्छ । तर परिधानकोरुपमा लोकप्रिय भने जिन्सको प्रयोग अमेरिकामा एक यहुदी युवाले गराएको मानिन्छ । सन् १९८१ मा जर्मनीबाट अमेरिकामा आउका उनले खानीमा काम गर्ने मजदुरका लागि जिन्सका कपडा प्रयोगमा ल्याएका थिए । पछि विभिन्न कम्पनीहरुले जिन्सलाई बलियो कपडाकोरुपमा बजारमा चर्चित गराए । यस्तो पहिलो प्रयोग भने ज्याकोब डेविस नामका सूचीकारले गरेको विश्वास गरिन्छ । पछि डेविस र स्ट्रासले जिन्सको पेटेन्ट राइट नै लिए जुन अहिले सम्म विश्वमा धमाका गरिरहेको ब्राण्ड बनिरहेको छ ।

शुरुमा जिन्स मजदुरहरुले लगाउँदा लामो समय सम्म टिक्ने भएर बनाइएको हुनुपर्छ । तर अहिले यही जिन्स विश्वमा सबै भन्दा चल्ने कपडाको ब्राण्ड बनेको छ । जिन्सको आधिकारिक जन्मदिन भने २० मे सन् १९७३ को दिनलाई मानिन्छ । त्यतिबेला अमेरिकी कम्पनी डेभिस स्ट्रासले जिन्सको पेटेन्ट लिएको थियो । यद्यपी जन्सको प्रयोगबारे लिखित इतिहास भने छैन ।

एजेन्सी ।

Labels: मनोरञ्जन, वेबसाइटबाट