आगलागीमा एकै परिवारका तीन सदस्यको मृत्यु
भिडियो हेर्न यहाँ क्लिक गर्नुहोस
##
धुलिखेल: काभ्रेको पनौती नगरपालिका १० सुन्थानमा आगलागी हुँदा एकै परिवारका तीन जनाको मृत्यु भएको छ। बिहीबार राती अबेर स्थानीय विनोद केसीको घरमा आगलागी हुँदा ३८ बर्षका केसीसहित उनकी श्रीमति अन्दाजी ३५ बर्षीया भगिरथी केसी र ९ बर्षिय छोरा विपिन केसीको मृत्यु भएको हो।राती १ बजेतिर स्थानीयबासीले केसीको पक्की घरको छतमा राखेको जस्ता र बाँस जलेर पड्किएको थाहा पाएका थिए। लगत्तै स्थानीयबासी र केही समयपद्धि आएको प्रहरीले उद्धारको प्रयास गरे पनि घरभित्र रहेका उनीहरुको जलेर मृत्यु भइसकेको थियो।
आगलागी राती २ बजेपछि नियन्त्रणमा आएको थियो। मृतक तीनै जनाको शव अहिले पनि घटनास्थलमै रहेको छ । प्रहरीले मुचुल्का उठाएर पोष्टमार्टमका लागि शव अस्पताल पठाउने तयारी गरिरहेको छ।
करेन्ट सर्ट भएर आगलागी भएको प्रारम्भिक अनुमान गरिए पनि यकिन थाहा भइनसकेको इलाका प्रहरी कार्यालय बनेपाले जानकारी दिएको छ ।
###
0 comments
Write Down Your Responses