काठमाडौ,   - म २७ वर्षकी भएँ। म गुरुङकी छोरी हुँ। मैले एकजना बाहुन केटासँग २ वर्षअघि प्रेमविवाह गरेकी हुँ। मेरा श्रीमान् ३० वर्षका छन्। यौन सम्बन्ध राख्नु अघि उनी वियर वा रक्सी पिउन रुचाउँछन्। वियर वा रक्सी नपिई यौन इच्छा नै नहुने बताउँछन्। अहिलेसम्म हाम्रो सम्बन्धमा कुनै असर परेको छैन तर यस्तो व्यवहारले भविष्यमा असर पर्न सक्छ कि भन्ने डर लाग्छ। के मेरो डर साँचो हो ?– बी. तपाईंको प्रश्नले 'वियर गुगल' को सम्झना गरायो।


'वियर गुगल' मनोविज्ञानको क्षेत्रमा प्रयोग हुने चर्चित पदावली हो। केही समयअघि मध्यपान गर्ने व्यक्तिहरूबीच गरिएको सर्वेक्षणमा एउटा रमाइलो तथ्य देखाइएको थियो। सर्वेक्षणमा सहभागी व्यक्तिहरूलाई बियर वा रक्सी पिउन दिएपछि तस्बिर हेर्न लगाई केही व्यक्तिको प्रतिक्रिया लिइएको थियो। बियर वा रक्सी पिएर र नपिएको अवस्थामा व्यक्तिमा एउटै तस्बिरलाई हेर्दा देखिने प्रतिक्रियाका आधारमा एउटा नतिजा निकालियो। उक्त अध्ययनलाई नै अन्तर्राष्ट्रिय जगतमा बियर गुगल भनिन्छ। रक्सी वा वियरको सेवनले यौन व्यवहारमा अनेकन असर गर्न सक्छ। यसको प्रभावले यौन क्रियाकलाप घटाउँछ।


आफ्नो लाजलाई लुकाउन खोज्दा मनोवैज्ञानिक असर पर्छ। क्षणिक रूपमा उत्तेजित भैसकेपछिको अवस्थामा मादक पदार्थ सेवन गर्दा दिक्दारीपन बढ्छ। रक्सी सेवनपछि शारिरीक प्रणालीको सन्तुलनमा प्रतिकूल असर पर्न थाल्छ। प्रायजसोको धारणामा रक्सी सेवनले खुसी-रमाइलो हुन्छ भन्ने पाइन्छ। यद्यपि यसको सेवनले दिक्दारीपन वा रिस बढ्न सक्छ। सन्तुलन वा समन्वयमा पनि नकारात्मक असर पर्न सक्छ। मादक पदार्थ सेवनले स्खलनमा समस्या ल्याउने मात्र नभै नपंुसकता बढाउँदै लान्छ। रक्सीको असरले आत्मवल घटाउँछ। परिणाम ? पुरुषको यौन व्यवहारमा नाटकीय रूपमा असर पार्छ। अनुसन्धानहरूले देखाए अनुसार, धेरै-थोरै पनि मादक पदार्थ सेवनले अण्डकोशबाट उत्पादन हुने टेस्टोसटेरोन हार्मोनमा कमी ल्याउँछ।् टेस्टोसटेरोन हार्मोन यौन उत्तेजनाका लागि महत्वपूर्ण मानिन्छ।