विद्यार्थीले उत्तरपुस्तिकामा लेखे-फेल भएँ भने आत्महत्या गर्छु

भिडियो हेर्न यहाँ क्लिक गर्नुहोस

एजेन्सी : 'सर कृपया मलार्इ फेल नगर्नुहोला,मलार्इ पास गरिदिनुस्'.... यस्तै सन्देश लेखिएको उत्तर पुस्तिका भारतको उत्तर प्रदेश बोर्ड परीक्षा कार्यालयमा आएको छ ।

विज्ञान विषयको उक्त उत्तर पुस्तिकामा छात्राले कपी जाँच गर्ने शिक्षकलार्इ यो गुहार लगाउँदै आफूलार्इ कुनै हालतमा फेल नगर्न पनि ती विद्यार्थीले भनेका छन् ।

लखनऊका शिक्षक सरोज उपाध्यायले कपी जाँच्ने क्रममा यस्ता सन्देशयुक्त दर्जनौं उत्तर पुस्तिका भेटिएका हुन् ।

शिक्षक सरोजका अनुसार उत्तर पुस्तिकामा लेखिएका विद्यार्थीका सन्देश पढेर हाँसो थाम्नै नसकिने अवस्था छ । त्यति मात्रै होइन केही  कपीमा जाँच्ने शिक्षकलार्इ धम्कीसमेत दिने गरिएको छ ।

जसमा एक छात्रले यदि उसलार्इ फेल गरियो भने आफूले आत्महत्या गर्ने समेत धम्की दिएका छन् ।

सरोजका अनुसार उत्तरपुस्तिकामा यस्तो समेत लेखिएको छ, 'कृपया मलार्इ फेल नगर्नुस, मेरो बिहेको टुंगो भएको छ । यदि बिहे हुनुअघि मेरो रिजल्ट आएर म फेल भएँ भने मेरो बिहे नै टुट्नेछ ।'

अर्को उत्तरपुस्तिकामा प्रश्नको जवाफ दिनुको साटो ट्विंकल ट्विंकल लिटिल स्टार समेत लेखिएको पाइएको भारतीय सञ्चारमाध्यमले जनाएका छन् ।

उत्तरपुस्तिका जाँच्ने शिक्षकहरुका अनुसार धेरै पटक यस्ता सन्देश लेखिएका कपी भेटिने गरेका छन् । यस्ता सन्देश लेखिएका कापी हेर्दा विद्यार्थीको भविष्यका लागि यो खतराको सूचक रहेको भारतीय शिक्षाविदहरुको भनाइ छ । यो समस्यासँग जुध्न सरकारले तत्काल कदम चाल्नुपर्ने उनीहरुको भनाइ छ । 

Labels: world, वेबसाइटबाट, समाचार