ठेकेदारमाथि मध्यराति गोली हानियो

भिडियो हेर्न यहाँ क्लिक गर्नुहोस

सिरहा : सिरहाको डुमरी गाविस–३ स्थित नहरमा बुधबार राति करिब ११ बजे सडक निर्माण गर्ने ठेकेदारमाथि अज्ञात समूहले गोली प्रहार गरेको छ ।

गोली प्रहारबाट काठमाडौँका सञ्जय पौडेल घाइते भएको इलाका प्रहरी कार्यालय मिर्चैयाका प्रहरी निरीक्षक हरि खतिवडाले जानकारी दिए ।

उनका अनुसार पौडेलको पेटको तल्लो भागमा गोली लागेकाले बाँच्न सफल भएका छन् । उनको  धरानस्थित बिपी कोइराला स्वास्थ्य प्रतिष्ठानमा उपचार भइरहेको छ ।

कमला नदीको बाटो ग्राभेल तथा नगर सरसफाइको ठेक्का लिएका पौडेल डुमरीमै बसेर काम गराउँदै आएका थिए । गोली प्रहार कसले र किन गरेको विषयमा केही खुलेका छैन । घटनाबारे विशेष अनुसन्धान तथा अपराधीको खोजी भइरहेको प्रहरीले जनाएको छ । रासस 

Labels: वेबसाइटबाट, समाचार