१ सय ११ वर्ष पुरानो कीर्तिमान तोडियो

भिडियो हेर्न यहाँ क्लिक गर्नुहोस

जेठ ३० – अस्ट्रेलियाका एक क्रिकेटरले एक सय ११ वर्ष पुरानो कीर्तिमान तोडेका छन् । अस्ट्रेलियाका २७ वर्षका अफ स्पिनर नाथन ल्योन अस्ट्रेलियन क्रिकेट इतिहासमा सबैभन्दा सफल अफ स्पिनर बनेका छन् ।
जमैकाको किंग्सटनमा भैरहेको वेस्ट इन्डिज विरुद्धको टेस्टको क्रममा वेस्ट इन्डिजका क्रेग ब्रेथवेटलाई बोल्ड गर्दै नाथनले नयाँ कीर्तिमान बनाएका हुन् । ब्रेथवेटलाई बोल्ड गर्दै उनले आफ्नो करिअरको १ सय ४२ औं टेस्ट विकेट लिएका हुन् । यसअघि एक सय ४१ टेस्ट विकेट लिएका ह्यु ट्रम्बलको नाममा अस्ट्रेलियाका सफल अफ स्पिनरको कीर्तिमान थियो । तर नाथनले ट्रम्बलको कीर्तिमान भंग गर्दै अस्ट्रेलियाको सफल अफ स्पिनरको कीर्तिमान नाम अफ्नो पोल्टामा ल्याएका हुन् ।
सन् २०११ मा टेस्ट क्रिकेटमा डेब्यु गरेका नाथनले अहिलेसम्म ४१ टेस्ट म्याचमा १ सय ४४ विकेट लिएका छन् । उनले वेस्ट इन्डिज विरुद्धको खेलमा ब्रेथवेटलाई बोल्ड गरेपछि पनि थप दुई विकेट लिएका छन् ।
– एजेन्सीको सहयोगमा

Labels: खेलकुद, वेबसाइटबाट, समाचार