काठमाडौंमै पहिरो गयो, २ सय परिवार विस्थापित

भिडियो हेर्न यहाँ क्लिक गर्नुहोस

काठमाडौं, ३० जेठ । ताप्लेजुङमा गएको पहिरो ठूलो जनधनको क्षति भएको घट्ना सेलाउन नपाउँदै शनिबार काठमाडौंमै पहिरो जाँदा २ सय घर परिवार विस्थापित भएका छन् ।
काठमाडौंको गोकर्णेश्वर नगरपालिकास्थित प्रसिद्ध तारे भीरमा शनिवार विहानैदेखि पहिरो गएको प्रहरीको कन्ट्रोल रुमले जानकारी दिएको छ । उक्त पहिरोका कारण २ सय घर परिवार विस्थापित भएको बताइएको छ ।
तारेभीरको पहरोबाट ढुंगाहरु खसिरहेकाले गोकर्णेश्वर नगरपालिकाको वडा नम्बर ४ र ५ का करिब २ सय परिवारलाई सुरक्षित स्थानमा सार्नुपर्ने अवस्था रहेको जानकारी प्राप्त भएको छ ।

Labels: वेबसाइटबाट, समाचार