कोदालोले हानेर आमा र बहिनीको हत्या

भिडियो हेर्न यहाँ क्लिक गर्नुहोस

गौर : रौतहटमा एक युवकले आइतबार दिउँसो  आमा र बहिनीको हत्या गरेर फरार भएका छन ।

जिल्लाको धरमपुर–९ धनहारी टोलका २५ वर्षीय नन्द किशोर यादवले ४५ वर्षीया आमा रामकली देवी र १२ वर्षीया बहिनी अनिता देवी यादवलाई कोदालोले काटेर हत्या गरेको प्रहरीले जनाकारी दिएको छ ।

बिहान खाना खाएर गाउँनजिकैको बागमती किनारस्थित खेतमा बदाम खन्न जाने क्रममा टायरगाढा चढेर सँगै गएका आमा र बहिनीको मध्यान्न करीव १२ बजे हत्या गरी उनी फरार भएका जिल्ला प्रहरी कार्यालय रौतहटका डिएसपी राजेन्द्र पोखरेलले जानकारी दिए ।

मानसिक सन्तुलन ठिक नभएका कारण उनले हत्या गरेको हुनसक्ने प्रहरीको प्रारम्भीक अनुशन्धानबाट खुलेको छ । फरार युवकको खोजी भइरहेको प्रहरीले जनाएको छ 

Labels: वेबसाइटबाट, समाचार