हरियाणामा हरिबिजोग ! तीनजना मारिए, ८० बढी घाइते, कर्फ्यु लगाइयो

भिडियो हेर्न यहाँ क्लिक गर्नुहोस

काठमाडौं, फागुन ८ । भारतको हरियाणामा आरक्षणको माग गर्दै भएको ‘जाट’ आन्दोलन हिंसात्मक बनेपछि विभिन्न स्थानमा कर्फ्यु आदेश जारी गरिएको छ ।

आन्दोलनमा तीनजना मारिनुका साथै ८० भन्दा बढी घाइते भएका छन् । प्रहरी र प्रदर्शनकारीबीचको भिडन्तमा २३ जनालाई गोली लागेको भारतीय सन्चारमाध्यमहरुले जनाएका छन् ।

हरियाणाको रोहतकमा राज्यका अर्थमन्त्रीको घरमै आगजनी गरिएको छ भने मारिने तीनजना पनि त्यहीँका छन् ।

परिस्थिति नियन्त्रण गर्न आठ जिल्लामा सेना तैनाथ गरिएको छ । भिवानी जिल्ला बढी प्रभावित भएको छ ।

हिंसा मच्चाउनेलाई देख्ने बित्तिकै गोली हान्ने आदेश सरकारले सुरक्षाकर्मीलाई दिएको छ । उग्र प्रदर्शनबाट सडक र रेल यातायातमा असर परेको छ ।

हरियाणको विभिन्न जिल्लामा एक सातादेखि जारी जाट आन्दोलनका कारण एक सयभन्दा बढी रेल–गाडीको सेवा बन्द गरिएको छ । प्रभावित क्षेत्रमा विद्यालय र कलेज बन्द गरिएका छन् ।

राज्यका मुख्यमन्त्री मनोहरलाल खट्टरले विधानसभाको आगामी संसदसत्रमा जाट आरक्षणका लागि ठोस कदम लिने आश्वासन दिएपनि आन्दोलनकारीले पत्याएका छैनन् । (एजेन्सी) 

Labels: world