जीप दुर्घटनामा १० घाइते, तीन गम्भीर

भिडियो हेर्न यहाँ क्लिक गर्नुहोस

विराटनगरः झापाको दमकबाट यात्रु लिएर पाँचथरको पञ्चमी बजारतर्फ जाँदै गरेको बलेरो जीप मोरङको याङ्शीलामा आज दुर्घटना हुँदा १० यात्रु घाइते भएका छन् ।

घाइते मध्ये तीन जनाको अवस्था गम्भीर छ । गम्भीर अवस्थाका पाँचथरको करुम्वा १ की जानुका सेन्चुरी, करुणा लावती र राजेन्द्र लिम्बूलाई उपचारका लागि विराटनगर स्थित विराट नर्सिङ होम ल्याइएको मोरङ प्रहरीका प्रवक्ता डीएसपी योगेन्द्रसिंह थापाले बताउनु भयो ।

थापाका अनुसार १३ जना यात्रु बोकेर पाँचथरतफै जाँदै गरेको मे १ ज १२२९ नम्बरको जीप याङ्शीला ९ स्थित लेटाङ–बुधबारे सडक खण्डमा दुर्घटनामा परेको हो । विहान साढे १० बजे भएको दुर्घटनाको कारण खुलिसकेको छैन ।

दुर्घटनामा परेका मध्ये पाँचथर कुरुम्बा १ का अजय सेन्चुरी, कुशल राई, लिम्बा–८ का समटा तामाङ, इलाम साक्फारा ७ की सुमित्रा राई, ईभाङकी कमला राई, झापा दमक १ की सानु लिम्बु र धुलाबारी ३ का चैतु राजवंशीको अवस्था सामान्य रहेको प्रहरीले जनाएको छ ।

उनीहरुको विराट नर्सिङ होम र झापाको दमक स्थित नमस्ते हस्पिटलमा उपचार भइरहेको छ । दुर्घटनामा परेको जीप नियन्त्रणमा लिए पनि चालक फरार रहेका कारण खोजी भइरहेको प्रहरीले जनाएको छ ।

Labels: वेबसाइटबाट, समाचार