८२ वर्षपछि एसएलसीमा कोही फेल भएनन

भिडियो हेर्न यहाँ क्लिक गर्नुहोस

काठमाडौं, २ जेठ । एसएलसी परीक्षाको परीक्षाफल सार्वजनीक भएको छ । एसएलसी परीक्षामा ८२ वर्ष पनि कुनै पनि विद्यार्थी फेल भएका छैनन् । यस अघि परीक्षा नियन्त्रण कार्यालय (पनिका)ले प्रथम,द्वित्तीय र तृतिय श्रेणीमा वर्गाीकरण गर्ने गरेको थियो । यस वर्षबाट यो क्रम तोडिएको छ ।

पहिलो पटक सरकारले ग्रेडीङ प्रणालीमा नतिजा सार्वजनीक गर्ने निर्णय गर्दै कोही पनि विद्यार्थी फेल नहुने बताएको थियो । यस वर्षदेखि पहिलोपटक एसएलसी परीक्षाको नतिजा ग्रेडिङ प्रणालीमा सार्वजनिक गरेको छ ।


चार ग्रेड प्वाइन्ट एभरेज (जीपीए) मध्ये विद्यार्थीको प्राप्तांक अनुसार नौ तहमा वर्गीकरण गरेको छ । ६ लाख १५ हजार ५ सय ५३ जना सहभागी भएका थिए । यस वर्ष छात्रको तुलनामा ३६ हजार १ सय ३५ जना बढी छात्रा सहभागी भएका थिए ।
गत चैत १८ देखि २९ गतेसम्म सञ्चालन भएको परीक्षामा नियमिततर्फ ४ लाख ५२ हजार ८ सय ८१ जना थिए । जसमा दुई लाख २७ हजार ५ सय ३५ जना छात्रा तथा दुई लाख २५ हजार ३ सय ४६ जना छात्र रहेको थिए ।

आंशिकतर्फ ९७ हजार ३६ जना छात्रा तथा ६२ हजार ३ सय ८१ जना छात्र गरेर १ लाख ५९ हजार ४ सय १७ जना सहभागी थिए । प्राविधिक धारका ३ हजार दुई सयजना परीक्षार्थी थिए। त्यसमा १ हजार २ सय ७३ जना छात्रा तथा १ हजार ९ सय ८२ जना छात्र थिए ।

Labels: वेबसाइटबाट, समाचार