कतारमा कामका लागि गएका नेपालीहरुको अवस्था नाजुक
भिडियो हेर्न यहाँ क्लिक गर्नुहोस
##
काठमाडौं । कतारमा कामका लागि गएका आप्रवासी श्रमिकहरुको अवस्था नाजुक रहेको भन्दै सुधार गर्न एमनेष्टी इन्टरनेशनलले कतार सरकारलाई आग्रह गरेको छ । कतार सरकारले कामदारहरुको सुरक्षा र श्रम अधिकार स्थापित नगराएको भन्दै सुधार गर्न एमनेष्टीले कतार सरकारलाई आग्रह गरेको हो । बुधबार काठमाडौंमा पत्रकार सम्मेलन गरी एमनेष्टी इन्टरनेशनलको नेपाल कार्यालयले कतारमा श्रमिकको अवस्थाबारे एक रिपोर्ट सार्वजनिक गरेको छ । रिपोर्टमा अहिलेपनि कतारमा काम गर्नका लागि गएका आप्रवासी श्रमिकहरुको अवस्थामा कुनै सुधार नआएको र उनीहरुको अवस्था दयनीय रहेको देखाएको छ । कतार सरकारले ६ महिनाअघि प्रतिवद्धता व्यक्त गरेका श्रमिक अधिकार र सुरक्षालाई पनि कार्यान्वयनमा नल्याएको भन्दै चाँडैनै कार्यन्वयन गर्न एमनेष्टीले आग्रह गरेको छ । कतारमा काम गर्न जाने नेपाली मजदुरहरुको अवस्था पनि नाजुक रहेको एमनेष्टीको नेपाल कार्यालयका निर्देशक रामेश्वर नेपालले बताउनुभयो । कन्स्ट्रक्सन र घरेलु कामदारका रुपमा कतार पुगेका नेपालीहरुको सबैभन्दा नाजुक रहेको पनि उहाँले बताउनुभयो । कतिपय घरेलु कामदारहरु शारीरिक तथा यौन शोषणमा परेको र निर्माण मजदुरहरुले न्युनतम सुविधा पनि नपाएको निर्देशक रामेश्वर नेपालले बताउनुभयो ।
###
0 comments
Write Down Your Responses