भैरहवामा देशकै पहिलो सेज सञ्चालन हुने

भिडियो हेर्न यहाँ क्लिक गर्नुहोस

बुटवल, मंसिर १– आर्थिक विकासका लागि महत्वपूर्ण ठानेर स्थापना गरिएको देशकै पहिलो विशेष आर्थिक क्षेत्र (सेज) झन्डै डेढ दशकपछि सञ्चालनमा आउने भएको छ । नेपाल सरकारबाट सेज सञ्चालनको मापदण्ड र कार्यविधि स्वीकृत भएपछि सेज सञ्चालनको बाटो खुलेको हो ।
रुपन्देहीको नेपाल–भारत सीमा क्षेत्र नजिकै बगाहा गाविसमा झन्डै १२ वर्षअघि २०६० सालदेखि निर्माण थालिएको सेजको भौतिक संरचना निर्माणमा ढिलाइ र आवश्यक कानुनको अभावमा सञ्चालनमा आउन सकेको थिएन ।
सेज सञ्चालनका लागि आवश्यक पूर्वाधार निर्माण सम्पन्न भएको र यसको सञ्चालन प्रक्रियाका लागि आवश्यक मापदण्ड र कार्यविधिसमेत तयार भएकाले सेज सञ्चालनमा आउन थालेको यसको निर्माणको सम्पूर्ण काम प्राविधिक रुपले रेखदेख गरिरहेका इन्जिनियर नारायणप्रसाद रेग्मीले जानकारी दिए ।
यसका साथै सेज सञ्चालनका लागि ऐनसमेत आउने अन्तिम तयारीमा रहेकाले यसको सञ्चालनको तयारी थालिएको हो ।

Labels: विजनेस