पारस फेरि पक्राउ

भिडियो हेर्न यहाँ क्लिक गर्नुहोस

काठमाडौं,कात्तिक २९ – पुर्वयुवराज पारस शाहलाई थाइल्याण्ड प्रहरीले पुनः पक्राउ गरेको छ । थाई अदालतलको तारेख गुजारेको अभियोगमा उनी गत बुधबार पक्राउ परेको स्रोतले जनाएको छ । उनी पक्राउ परेको विषयमा प्रेमिका कन्निका चेन्साईबाहेक अरुलाई जानकारी छैन । यद्यपि, बैंककमा बस्दै आएका नेपालीले बिहीबार पारसलाई प्रहरी हिरासतमै गएर भेटघाट गरेका थिए ।

‘अहिले पारसको माबाइल समेत चेन्सइले रिसिभ गर्ने गरेकी छन्, अदालतले आदेश उल्लंघन गरेको कारण उनलाई पक्राउ गरेको हो,’स्रोतले भन्यो । यसअघि लागुऔषधसहित पक्राउ परेका पारसलाई त्यहाँको अदालतले ३० लाख भाट धरौटी लिई तारेखमा छाडेको थियो । पारस अहिलेसम्म चार पटक पक्राउ परिसकेका छन् । अदालतले उनलाई मुद्दा चलाउने अवस्था भए पनि धरौटीमै रिहा गरी तारेखमा राखेको थियो । आजको राजधानी दैनिकका अनुसार दुई पटक तारेख लिन नगएपछि बुधबार अदालत पुगेका शाहलाई प्रहरीले नियन्त्रणमा लिएको स्रोतले जनायो ।

Labels: वेबसाइटबाट, समाचार