बस र जीप जुध्दा दुर्इको ज्यान गयो, पाँचजना गम्भीर घाइते

भिडियो हेर्न यहाँ क्लिक गर्नुहोस

सिन्धुली :  सिन्धुलीको कमलामाई नगरपालिका–७ बुका पुल नजिकै यात्रु बस र जीप जुध्दा एक यात्रुको ज्यान गएको छ भने ५ जना घाइते भएका छन् ।

सिन्धुलीबाट महोत्तरीको खैरमारातर्फ जाँदै गरेको रक्षा ट्राभल्सको ना२ख ५८३६ नम्बरको बस र महोत्तरीको बर्दिबासबाट सिन्धुली आउँदै गरेको ना२च ६९५९ नम्बरको जीप जुध्दा बसमा सवार कमलामाई नगरपालिका–७ का ४७ वर्षीय बुद्धिबीर माझी ज्यान गएको हो । ज्यान गुमाएका अर्का यात्रुको सनाखत भएको छैन।

घटनामा अन्य ५ जना यात्रु घाइते भएको जिल्ला प्रहरी कार्यालय सिन्धुलीले जनाएको छ । दुर्घटनामा घाइते हुनेहरुमा कमलामाई–७ का ४५ वर्षीय रोजबीर माझी, लालबहादुर माझी, पञ्चबहादुर पाख्रिन तथा कमलामाई–३ का विजय पाख्रिन र मार्चल थिङ रहेका छन् ।

घटनामा घाइतेहरुको जिल्ला अस्पताल सिन्धुलीमा उपचार भइरहेको छ । गम्भीर घाइते चारजनालाई थप उपचारका लागि धुलिखेल पठाइएको सिन्धुली अस्पतालले जनाएको छ ।

Labels: वेबसाइटबाट, समाचार