जसले गुमाए स्कुटरमा ज्यान
भिडियो हेर्न यहाँ क्लिक गर्नुहोस
##
एघार वर्षदेखि लोकन्थलीमा काकाको घरमा बस्दै आएकी निशा बस्नेत डेरामा सरेको ९ दिन भएको थियो । भीमसेन गोलामा भाइबुहारीसँग बस्न थालेकी उनी सोमबार दिनभर आफूले काम गर्ने कमलपोखरी अवस्थित प्यारागन ट्राभल एजेन्सीमा थिइन् । साँझ साढे पाँच बजे भाइ सुरज बस्नेतले फोन गर्दा उनले आफूले आएर खाना बनाउने बताइन् । साढे सातमा फेरि फोन गरेर आफूले नान र मःमः लिएर आउने बताइन् ।बानेश्वरबाट तीनकुने आएर नान र मःमः स्कुटरमा झुन्ड्याएर भीमसेन गोला जानका लागि शान्तिनगर गेटको बाटो छिर्न लाग्दा ८ बजेतिर २७ वर्षीय निशाको स्कुटरलाई ट्रकले ठक्कर दियो । ट्रकले स्कुटरसहित उनलाई करिब ५० मिटर लतारेर लग्यो । घाइटे निशालाई नजिकैको सिभिल अस्पताल पुर्याइयो । शरीरको तल्लो भाग क्षतविक्षत भएकी उनलाई सिभिलले टिचिङ हस्पिटल लैजान भन्यो ।
भनेको समयमा दिदी नआइपुगेपछि भाइले दिदीलाई फोन गरे । फोन उठेन । काटियो । त्यसको केहीबेरमै भाइलाई फोन आयो,दिदीको एक्सिडेन्ट भयाने,तुरुन्तै टिचिङ आउन । त्यसको केहीबेरमै अनलाईन पोर्टल र सामाजिक सञ्जालमा दुर्घटनाको समाचार फैलियो ।
दुर्घटनाको खबर पाउनासाथ टिचिङको इमरजेन्सीमा काकी हेनु बस्नेत पुग्दा निशा होसमा थिइन् । ११ वर्ष सँगै बसेकी काकीलाई देखेपछि उनी उठ्न खोजिन् । जम्मा एक वाक्य बोलिन्,‘अन्टी मलाई मार्यो नि । हेनुलाई लाग्छ,‘मलाई त्यति भन्न पर्खिएजस्तो लाग्यो । बेहोसको बेहोसमै त्यत्तिकै गई ।’
गत वर्ष चैत १३ गते राजधानीको सामाखुसी गल्कोपाखामा माइक्रोबसले हानेर गायीका मञ्जु महतको पनि निधन भएको थियो ।माइक्रोले ठक्कर दिएर घाइते भएकी उनको उपचारकै क्रममा मृत्यु भएको थियो । आजको कान्तिपुर दैनिकमा खबर छ ।
###
0 comments
Write Down Your Responses