बास माग्न आएका अज्ञात व्यक्तिद्धारा बृद्धको हत्या, पाँच लाख लुटियो

भिडियो हेर्न यहाँ क्लिक गर्नुहोस

रौतहट, चैत्र २३ । रौतहटको गौर नगरपालिका वडा नम्बर–५ पोखरिया टोलमा आइतबार राति घरमै सुतिरहेको अवस्थामा ६५ वर्षीय जाहिर अन्सारीको  घाँटी रेटी हत्या गरिएको छ ।

घरमा बास बस्न आएका अज्ञात व्यक्तिले अन्सारीको धारिलो हतियारले घाँटी रेटी हत्या गरेको जिल्ला प्रहरी कार्यालय रौतहटले जनाएको छ ।

अन्सारीका दुई छोरा वैदेशिक रोजगारीमा रहेको र त्यहाँको कमाइबाट गौर नगरपालिकामै घर बनाउन पठाएको ५ लाख रुपैयाँसमेत लुटिएको परिवारजनले जनाएका छन् ।

हत्या गर्ने समूहको खोजी भैरहेको जिल्ला प्रहरी कार्यालय रौतहटले जनाएको छ । 

Labels: वेबसाइटबाट, समाचार