रोकि राखेको ट्रकमा बस ठोक्कियो

भिडियो हेर्न यहाँ क्लिक गर्नुहोस

९ घाइते, ४को अवस्था गम्भीर
इटहरी चैत २३– पूर्व पश्चिम राजमार्ग अन्तरगत मोरङ्गको बेलवारी सडक खण्डमा सोमबार बिहान राजमार्गमा रोकि राखेको ट्रकलाई एक यात्रुवाहक वसले ठक्कर दिदा नौ जना घाइते भएका छन् । बेलवारी सडक खन्डको किनारमा रोकी राखेको ना २ ख ६९३१ न्ां को ट्रकलाई पूर्व तर्फ गइरहेको मे १ ख १८९३ नंको यात्रुवाहक वसले ठक्कर दिदा बसमा सवार नौ जना घाइते भएको पूर्वाञ्चल क्षेत्रीय ट्राफिक प्रहरी कार्यालय इटहरीले जनाएको छ ।


 घाइतेहरु मध्ये धरान १९ की शिर्जना राई , कृष्ण राई ,धरान १६ की नवदा अधिकारी र तरहराका विवस घिमिरे गम्भिर बनेको पूर्व क्षेत्रीय ट्राफिक प्रहरी कार्यालय इटहरीले जानकारी दिएको छ । घाइतेहरुको स्थानीय असपतालमा उपचार भइ घर फिर्ता भएका र गम्भिर बनेका चारै जनाको धरान स्थित बिपी कोइराला स्वास्थ्य बिज्ञान प्रतिष्ठानमा उपचार भइरहेको प्रहरीले जनाएको छ । दुर्घटना पश्चात बस र ट्रकका चालकलाई इलाका प्रहरी कार्यालय बेलवारीले आफनो नियन्त्रणमा लिएको पूर्वाञ्चल क्षेत्रीय ट्राफिक प्रहरी कार्यालय इटहरीले जनाएको छ । 

Labels: वेबसाइटबाट, समाचार