विश्वका उत्कृष्ट ११ खेलाडीमा छानिए नेपालका सन्दिप, जसले गरे दुर्लभ ह्याट्रिक

भिडियो हेर्न यहाँ क्लिक गर्नुहोस

काठमाडौं, ४ फागुन । भर्खरै बंगलादेशमा सम्पन्न यू–१९ विशवकप क्रिकेटमा दुर्लभ ह्याट्रिक गरेका नेपालका सन्दिप लामिछाने विश्वका उत्कृष्ट ११ खेलाडीको सूचीमा छानिएका छन् ।

क्रिकेटको सर्वाेच्च निकाय विश्व क्रिकेट परिषद (आइसीसी)ले मंगलबार सार्वजनिक गरेको यू–१९ विश्वकपका उत्कृष्ट ११ खेलाडीको सूची ‘फ्युचर स्टार्स’मा आफूलाई बलरको रुपमा चिनाएका सन्दिप पनि परेका हुन् ।
बंगलादेशमा सम्पन्न विश्वकपमा सन्दिप सर्वाधिक विकेट लिने दोस्रो खेलाडी बनेका थिए । उनले छ खेलमा १४ विकेट लिएर दोस्रो खेलाडीको सूचीमा आफूलाई स्थापित गरेका थिए ।

विश्वकप अन्तर्गत आयरल्याण्डविरुद्धको खेलमा उनले दुर्लभ ह्याट्रिक गरेका थिए । जून यू–१९ विश्वकप क्रिकेटको इतिहासमा पाँचौ ह्याट्रिक हो भने यसपालीको विश्वकपको एकमात्र ह्याट्रिक रह्यो ।
११ खेलाडीको सूचीमा छान्दै आइसीसीले सन्दिपलाई अझै प्रगति गर्न सुझाव दिएको छ । यसअघि ह्याट्रिक गर्ने क्रममा आइसीसीले सन्दिपको बलिङलाई अष्ट्रेलियाका चर्चित पूर्वक्रिकेटर शेन वार्नको बलिङसँग तुलना गरेको थियो ।

Labels: खेलकुद, वेबसाइटबाट, समाचार