बाघको आक्रमणबाट तीन घाइते

भिडियो हेर्न यहाँ क्लिक गर्नुहोस

पाँचथर– बाघको आक्रमणवाट जिल्लाको यसोकमा तीन जना घाइते भएका छन्। यासोक –४ मा रहेको सुबजेनी जंगलमा बाघको आक्रमणबाट उनिहरु घाइते भएका हुन।


जंगल गएको समयमा स्थानीय १६ बर्षीय रोजन लिम्बुलाई एक्कासी आक्रमण गर्दा उनी घाइते भएका थिए। उनलाई बाघले आक्रमण गरेपछि बाघ धपाउन जाँदा स्थानीय दिलकुमार लावती र धनेन्द्र लावतीलाई बाघले आक्रमण गरेको लाल अञ्जान सम्बाहाम्फेले जानकारी दिए। तीनै जनालाई शरीरका विभिन्न ठाँउमा बाघले चिथोरेको छ। बाघ सानो भएकाले आक्रमणबाट घाईतेहरु भाग्न सफल भएका थिए। उनीहरुको यसोक बजारमा रहेको स्वास्थ्य केन्द्रमा उपचार भईरहेको र अवस्था खतरा मुक्त रहेको सम्वाहाम्फेले जानकारी दिए।
दिलकुमारको कुममा ६ टाँका लगाइएको छ भने धनेन्द्रको पाखुरामा पाँच टाँका लगाउनु परेको इलाका स्वास्थ्य चौकी यासोकले जनाएको छ। रोजनको भने खुट्टामा चोट छ।

Labels: समाचार