नयाँ जीवन पाएर आँएः खनाल

भिडियो हेर्न यहाँ क्लिक गर्नुहोस

२९ कात्तिक, काठमाडौं ।
नेकपा एमालेका वरिष्ठ नेता झलनाथ खनालले आफूले नयाँ जीवन पाएको बताएका छन् । गत महिना उपचारका लागि अमेरिका जानुभएका नेता खनालले आज स्वदेश फर्कने क्रममा उपचारपछि नयाँ जीवन पाएको बताएका हुन् ।


त्रिभुवन अन्तर्राष्ट्रिय विमानस्थलमा पत्रकारसँग कुरा गर्दै उनले आफूले नयाँ जीवन प्राप्त गरेर आएको र बाँकी जीवन मूलुकको दिगो शान्ति र नयाँ संविधान निर्माण कार्यमा समर्पित गर्ने प्रतिबद्धता व्यक्त गरे ।

उनले भने,‘तोकिएको समयमा संविधान जारी गर्ने विषयमा सबै दलहरु लचिलो हुनु पर्छ, यसमा मेरो जोड छ ।’ नेता खनाल अमेरिकाको म्यारिल्याण्ड राज्यको बाल्टिमोरस्थित जोन हप्किन्स अस्पतालमा पिसाब नलीमा देखिएको समस्याको उपचारपछि स्वस्थ भई फर्कनुभएको हो खनाल गत असोज १० गते उपचारको लागि अमेरिका गएका थिए ।

Labels: राजनीतिक, समाचार