नुवाकोटको चौघडामा बाबुछोराको हत्या

भिडियो हेर्न यहाँ क्लिक गर्नुहोस

नुवाकोट : नुवाकोटको पुर्वी चौघडा गाविसको लिखु खोलामा बाबुछोराको हत्या भएको छ । सदरमुकाम विदुरदेखि २१ किलोमिटर पुर्वमा स्थित लिखु खोलामा हत्या गरेर फालेको अवस्थामा सोमवार बाबुछोराको शव भेटिएको हो ।

चौघडा  गाविस–४ मकैचौरका बाबु ५५ वर्षीय विष्णुवहादुर राई र छोरा ८ वर्षीय प्रविण राईको शव हत्या गरेर खोलाको बगरमा फ्याकेको अवस्थामा भेटिएको जिल्ला प्रहरी कार्यालय नुवाकोटले जनाएको छ ।

टाउकोमा धारिलो हतियारले प्रहार गरेको चोटसहित अवस्थामा उनीहरुको शव भेटिएको हो । घटनाको अनुसन्धान थालिएको प्रहरी निरीक्षक प्रकाशराज शर्माले जानकारी दिए ।

घरबाट केही पर खेतको गोठमा बस्दै आएका बाबुछोराको हत्यामा संलग्नको पहिचान हुन सकेको छैन । दुबैको शव पोष्टमार्टमका लागि नुवाकोट जिल्ला अस्पताल त्रिशूली लगिएको छ ।

Labels: वेबसाइटबाट, समाचार