बस र ट्रक ठोक्किँदा २ को मृत्यु, ११ जना घाइते

भिडियो हेर्न यहाँ क्लिक गर्नुहोस

हेटौंडा, मंसिर २३ । मकवानपुरको बसामाडीमा सोमबार राति १२ बजेतिर यात्रुबाहक बस र ट्रक ठोक्किँदा २ जनाको मृत्यु भएको छ । दुर्घटनामा ११ जना घाइते भएका छन् ।

जनकपुरबाट काठमाडौं आउँदै गरेको ना५ख ११०० नम्बरको बस र चितवनबाट हेटौंडा जाँदै गरेको बा१क ३७४९ नम्बरको ट्रक पूर्व–पश्चिम राजमार्गको बसामाडी वडा नम्बर–२ तीनताप्केमा ठोक्किएको प्रहरीले जनाएको छ ।

मृतकहरुमा जनकपुर नगरपालिका १५ का पलक ठाकुर र महोत्तरी मजपुराका केशवर यादव रहेका छन् । बसले आफू अगाडि रहेको ट्रकलाई ओभरटेक गर्नेक्रममा उक्त ट्रकसँग ठोकिएर दुर्घटना भएको प्रहरीले जनाएको छ ।

घाइते ११ जनामध्ये ५ जनाको अवस्था गम्भीर रहेको छ । गम्भीर घाइतेहरुको भरतपुर अस्पतालमा उपचार भइरहेको छ ।

बस र ट्रक दुबैका चालकलाई प्रहरीले नियन्त्रणमा लिएको छ । मृतक र घाइते सबै बसका रहेका छन् । 

Labels: वेबसाइटबाट, समाचार