पैसा माग्दा नदिएपछि खुकुरी प्रहार गरी श्रीमतीको हत्या

भिडियो हेर्न यहाँ क्लिक गर्नुहोस

झापा, मंसिर १६ । झापाको सुरुङ्गामा गएराति एक व्यक्तिले खुकुरी प्रहार गरी श्रीमतीको हत्या गरेका छन् । सुरुङ्गाको कनकाई नगरपालिका–२ सुकेडांगीका रविन्द्र ठटालले श्रीमती फूलमायाको हत्या गरेका हुन् ।
टाउकोमा पटक पटक खुकुरी प्रहार गरी ठटालले श्रीमतीको हत्या गरेको प्रहरीले जनाएको छ । हत्या लगत्तै भाग्ने प्रयत्नमा रहेका ठटाललाई स्थानीय गाउंलेले पक्राउ गरी प्रहरी समक्ष बुझाएका थिए ।
हत्या गरेकी फूलमाया ठटालकी कान्छी श्रीमती हुन् । फूलमायासंगै सुतेकी पांच वर्षीया छोरी राधिकाले नजिकैको फुपुको घरमा गएर खवर गरेपछि लगत्तै जम्मा भएका गाउंलेले ठटाललाई नियन्त्रणमा लिएका थिए ।
पक्राउ परेका ठटालले पैसा नदिएको निहुंमा आवेशमा आएर श्रीमतीमाथि खुकुरी प्रहार गरेको प्रहरी समक्ष स्वीकारेका छन् ।

Labels: वेबसाइटबाट, समाचार