माओवादीलार्इ जातीय राज्य निल्नु न ओकल्नु : चन्द
भिडियो हेर्न यहाँ क्लिक गर्नुहोस
##
पूर्व प्रधानमन्त्री एवम् राष्ट्रिय प्रजातन्त्र पार्टीका नेता लोकेन्द्रबहादुर चन्दले एमाओवादीले जातीय राज्यको कुरा गरेर आफू नै आफ्नो वचनको कैदी भएको बताएका छन् ।महेन्द्रनगरमा शनिबार आयोजित पत्रकार सम्मेलनमा बोल्दै पूर्व प्रधानमन्त्री चन्दले एमाओवादी अध्यक्ष पुष्पकमल दाहालले जातीय राज्यको कुरा गर्दा संविधानमा सहमति नभएको दाबी गरे ।
'माओवादीहरु जातीय राज्य होइन भनेर फर्किंदैछन्', चन्दले भने, 'तर फर्किने ठाउँ छैन । उनीहरुलार्इ जातीय राज्य निल्नु न ओकल्नु भएको छ ।'
चन्दले प्रश्नावली समितिलाई उपयोग गरेर सबै दल एक ठाउँमा बसी विवादित विषयमा सहमति खोज्नुपर्नेमा जोड दिए । 'प्रश्नावली समितिमै आएर सहमति खोज्नुपर्छ', उनले भने, ' दलबीच सहमति गरी संविधान निर्माणको मिति तय गर्न आवश्यक छ ।'
संविधान देशको मूल कानुनमात्र नभई भावी सन्ततिको दस्तावेज पनि भएकाले मिलेर संविधान बनाउनुपर्नेमा चन्दले जोड दिए ।
प्रमुख दलले माघ ८ मै संविधान जारी गर्छौं भनेर अनावश्यक प्रचारबाजी गर्दा समस्या भएको उनको भनाइ थियो । 'अहिले उम्किन खोज्दैछन्', उनले भने, 'जनताले कहिले माघ ८ मै संविधान जारी गर भनेका थिए र ?' रासस
###
0 comments
Write Down Your Responses