फेवातालमा महिला पर्यटक बेपत्ता
भिडियो हेर्न यहाँ क्लिक गर्नुहोस
##
फोटो :फाइल फोटोपोखरा : फेवतालमा डुबेर एक महिला पर्यटक बेपत्ता भएकी छन् । फेवातालमा डुबेकी पोल्याण्डकी २६ वर्षीया काटर जयना तीनदिनदेखि बेपत्ता भएकी हुन् ।
बिहीबार साँझ साथीहरुसँगै तालमा घुमिरहेकी उनी अचानक हावाहुरी चलेर डुंगा पल्टिएपछि बेपत्ता भएकी प्रहरीले जनाएको छ ।
‘चारजना चढेको डुंगा पल्टिएको थियो,’ कास्कीका प्रहरी नायव उपरीक्षक केदार रजौरेले भने ‘तीनजना पौडन जानेकाले तत्काल उद्वार गरी बचाउन सकियो, उनी भने बेपत्ता भइन् ।’
पुम्दिभूम्दी अनदुको डाँडाबाट लेकसाईडतर्फ आउनेक्रममा उनीहरु हुरीमा फसेका प्रहरीको भनाइ छ । बेपत्ताको पर्यटकको खोजीमा सुरक्षाकर्मी र डुंगा व्यवसायी जुटेपनि फेला पार्न नसकिएको प्रहरीले जानकारी दिएको छ ।
###
0 comments
Write Down Your Responses