वेबसाइटबाट, समाचार » भोटेकोसीको कटान रोकिएन (फोटोहरु)

असार ३०, २०७३- भोटेकोसीमा बाढी आएको सातादिन बित्न लाग्दा पनि नदीले कटान गर्ने क्रम रोकिएको छैन । हालसम्म कोदारी बजारको सात भन्दा बढी घर नदीले कटान गरिसकेका छन् ।





सीमास्थित सशस्त्र प्रहरी बलका नायब उपरीक्षक मनोज थापाकाअनुसार पानीको बहाव सामान्य रहेपनि पानीको धारले बस्तीको जमिनको माटो बगाउँदै लगेपछि क्षतविक्षत बजारका घरहरु ढलिरहेका छन् ।



हालसम्म प्रारम्भिक अनुमानअनुसार सीमामा मात्रै २५ भन्दा बढि घर कोसीमा मिसिसकेका छन् ।



बर्षाको सुरुवात भएदेखि नै लार्चादेखि लिपिसम्मका पहिरोले गर्दा सबै बस्ती पूर्णरुपमा जोखिममा छन् । लगातार जमिन कटान नरोकिनाले बजार मात्र नभइ अरनिको राजमार्गमा थप क्षति पुगेको छ ।


पर्यटकीय सम्पदाहरु तातोपानी, निर्माणाधीन चिनियाँ भन्सार भवनलगायतका प्रशस्तै संरचनाहरुमा अधिकांश भाग काटिसकेको छ । नदीले बगाएर ल्याएको ठूला ढुंगाहरु दशकिलो नजिकमा रहेको ड्याममा थुनिएर बाढी आउने जोखिम बढेको छ ।
आफ्नो सल्लाह सुझाब एवम प्रतिकृया लेख्नुहोस

0 comments

Write Down Your Responses